गुल्मीमा सरकारी कार्यालयका लागि जनताले दिए जग्गा दान

प्रेम सुनार, गुल्मी जेठ १२।
जिल्ला वन कार्यालय गुल्मीद्धारा सञ्चालित मदाने संरक्षित वन कार्यक्रमको कार्यालय भवन निर्माणका लागि यहाँका जनताले जग्गा दान गरेका छन् ।

वाँझकटेरी–३ स्थित मजुवा भन्ने स्थानमा रहेको १२ लाख मुल्य वरावरको एक रोपनी जग्गा बाँझकटेरी–२ का ज्ञानकुमार भुसाल र सिर्सेनी– ७ का नोखलाल अर्यालले दिएका हुन् । आज जिल्ला वन कार्यालयमा आयोजित हस्तान्तरण कार्यक्रममा भुसाल र अर्र्यालले जिल्ला वन अधिकृत विशाल घिमिरेलाई सो कार्यालयको नाममा मालपोत कार्यालयमा पास गराईएको लालपुर्जा हस्तान्तरण गरेका थिए ।

आफुहरुको वसोवास क्षेत्रमा मदाने संक्षित वन कार्यक्रम गत ५ वर्षदेखि संचालित भएपछि त्यस वन भित्रका जनावर, चराचुरुङ्गी, जडीवुटी र वनस्पति लगायतको जैविक विविधताका निकै संरक्षण हुँदै आएकोले त्यसबाट प्रभावित भई संरक्षण गर्न थप सघाउ पुगोस भन्ने उद्देश्यका साथ आफुहरुले उक्त जग्गा निशुल्क प्रदान गरेको जग्गादाता भुसाल र अर्यालले बताए ।

उनिहरुले सालझण्डी ढोरपाटन मोटरबाटाको छेउमा रहेको खेत प्रति व्यक्तिले आधा–आधा रोपनी प्रदान गरेका हुन् । २०६८ साल देखि सञ्चालन भएको सो कार्यक्रमको कार्यालय हाल सम्म बाँझकटेरीको भेडेखोरमा भाडामा राखिदै आएको वन अधिकृत घिमिरेले जानकारी दिए ।

गुल्मीको उत्तर पश्चिमका ११ वटा गाविस भित्र पर्ने मदाने लेक लुम्विनी अञ्चलकै सवै भन्दा अग्लो अर्थात २६ सय ९० मिटर उचाईमा रहेको छ । उक्त कार्यक्रमले त्यसको शिरबाट वग्ने छल्दी खोला, निस्तीखोला लगायतका महत्वपुर्ण पानीका मुहान संरक्षण गर्दै त्यसबाट उर्जा उत्पादनको क्षेत्रमा जनस्तरतलाई प्रोत्साहित गर्ने, कृषि, वन, वातवरण र जिविकोपार्जनका लागि विभिन्न कार्यक्रमहरु गदै आई रहेको छ ।

उक्त कार्यक्रमका लागि प्राप्त भएको जग्गामा संवन्धित निकाय संग आवस्यक रकमका लागि पहल गरी यथासिघ्र भवन निर्माण गरिने जिल्ला वन अधिकृत घिमिरेले बताए । मदानेका अलवा जिल्लाको अर्को ऐतिहाँसिक ,धार्मिक र पर्यटकिय सम्भावना वोकेको रेसुङ्गा वन क्षेत्र, थाप्ले र सत्यवती वनको पनि कार्ययोजना तयार भई स्वीकृतिको क्रममा रहेको घिमिरेले जानकारी दिए ।

जिल्लाका यी चारवटा पनि क्षेत्र ऐतिहाँसिक तपोभुमी, जैविक विविधताको खानी र प्रसस्त पर्यटकीय सम्भावना वोकेका क्षेत्र भएकोले स्थानियवासी र जिल्ला स्तरमा समेत त्यसको विकासमा गत केहि वर्षयता पहल भई रहेको छ । जग्गा हस्तान्तरण कार्यक्रममा सहायक वन अधिकृत कर्णबहादुर पाण्डे , नेपाल पत्रकार महासंघका अध्यक्ष नवराज भुुुसाल, पत्रकार घनाश्याम गौतम प्रेम सुनार लगायतको आतिथ्यता रहेको थियो ।