नागरिक उन्मुक्ति पार्टी रुपन्देही चुनावी प्रचारप्रसारमा तिब्रता

 

उर्मिला यादव यात्री,भैरहवा, २७ कार्तिक ।

नागरिक उन्मुक्ति पार्टी रुपन्देहीले रुपन्देही क्षेत्र नम्बर ३ (क) लगायत जिल्लामा चुनावी प्रचार प्रसारलाई तिब्रता दिएको छ ।यहि मङ्सिर ४ मा हुने प्रतिनिधिसभा सदस्य र प्रदेशसभा सदस्यको निर्वाचनमा नागरिक उन्मुक्ति पार्टी रुपन्देहीले पनि आफ्नो निर्वाचन क्षेत्रमा चुनावी गतिविधिलाई तिब्रता दिएको पाटीकी प्रदेश सभा सदस्यको उम्मेदवार किरण गुप्ताले बताउनु भएको छ ।

जिल्लाको समग्र विकास,भ्रष्टाचार नियन्त्रण , संविधान संशोधन, नागरिकता बिधेयक, समाजमा सुशासन कायम गर्न, कृषि क्षेत्रको समग्र बिकास र किसानको समस्या समाधान लगायत जेष्ठ नागरिक र असहाय बालबालिकाको संरक्षण र ब्यवस्थापन , निशुल्क शिक्षा तथा स्वास्थ्यमा पहल ,छाडा पशु चौपाया र फोहोर ब्यवस्थापनको लागि आफ्नो उम्मेदवारी परेको भन्दै गुप्ताले मङ्सिर ४ मा हुने निर्वाचनमा नागरिक उन्मुक्ति पार्टीको ढकिया चिन्हमा मतदान गरि विजयी गराउन जिल्लावासीलाई अनुरोध गर्नु भएको छ ।

गुप्ताले आफुहरुले अहिले जिल्लाका अधिकांश भुभागमा गरेका चुनावी भेटघाट कार्यक्रममा आफ्नो पार्टी प्रती जनताको लहर बढ्दै गएको बताउनु भएको छ । पछिल्लो समयमा जनतामा आफ्नो पार्टी प्रती विश्वास बढ्दै गएको र रुपन्देही जिल्लाबाट जनताले आफुहरुलाई विजयी गराउने विश्वास व्यक्त गर्नु भएको छ ।

लामो समयसम्म जिल्लामा विभिन्न सामाजिक कार्यमा आवद्ध हुनु भएको प्रदेश सभा सदस्यका प्रत्यक्ष उम्मेदवार किरण गुप्ताले देशको निकास दिन सक्ने शक्ति नागरिक उन्मुक्ति पार्टी नै हुने बताउनु भएको छ।