विवेकशील नेपालीदल प्रवासले थाल्यो सम्मेलनको तयारी

कुमार अविरल, कतार साउन ११।
विवेकशील नेपाली दल प्रवास समितिले हिजो २५ जुलाईका दिन भचुअल्ली बैठकको माध्यमद्वारा बसेको बैठकले प्रवास सम्मेलन (अधिवेशन)का लागी तैयारी गरेको छ । विवेकशील नेपाली प्रवास अन्तर्गत रहेका १४ वटा देशहरूको संयुक्त बैठकको अध्यक्षता दलका प्रवास समितिका अध्यक्ष श्री संजय रिमालले गर्नू भएको थियो ।

संघीय समितिका सदस्य द्वय आशीष राई र कर्मा लामा तामाङको उपस्थिती रहेको थियो । अनलाइन बैठकले प्रवास आयोजक समिति गठन प्रक्रियालाई अघी बढाएको छ । वर्तमान तदर्थ प्रवास समितिलाई नै आयोजक समितिमा परिणित गर्न उपस्थित बिभिन्न देशका संयोजक र सदस्यहरुको माग भए पश्चात् सोही अनुसार सर्वसम्मतले रिमालको संयोजकत्वमा, सुरेश भट्ट आश्रिन र सुवास बस्नेतले “आयोजक समिति” निर्माण कार्यलाई पूर्णता दिने गरी प्रक्रियालाई थप एक ईट्टा थपेका छन् ।

आयोजक समिति निर्माण कार्य पूरा भए संगै विवेकशील नेपाली दल प्रवास समितिले निर्वाचन आयोग द्वारा सम्मेलनको मिती घोषणा गर्नेछ । कोभिड-१९ ले गर्दा हामी ढिला भयौँ l दलको विधान र संघीय समितिको निर्णय अनुसार प्रादेशिक तहको सम्मेलन पहिले नै गर्नू पर्ने थियो ।

अब प्रक्रिया अघी बढ्छ रोकिन्न, केही समय भित्रनै सम्मेलनलाई सफल बनाउँछौ, भट्ट भन्छन् । विवेकशील नेपाली दलले देशैभरी आन्तरिक रुपमा आफ्नो प्रदेश सम्मेलनको तयारी र Enough is Enough क्याम्पियनमा काम गर्दै छ ।