चिसो र शितलहरका कारण यशोधरा गाउँपालिकाका विद्यालय १० दिन बन्द

साझानेटवर्क,कपिलवस्तु पुष १३ ।
केहि साता देखि अत्याधिक बढेको चिसो र लगातारको शितलहरका कारण कपिलवस्तुको यशोधरा गाउँपालिकाले जाडो विदाको घोषणा गरेको छ ।

विशेष गरी विद्यालय उमेरका वालवालिकाहरुमा चिसोको कारण विद्यालय समयमा प्रतिकुल असर परेको छ । केहि दिनको चिसो र सितलहरका कारण कपिलवस्तुका प्राय सबै स्थानिय तहका नागरिकहरु र वालवालिकाहरु प्रभावित भएका छन् ।

पुष १४ गते देखि २८ गते सम्म १० दिनका लागि जाडो विदाको निर्णय गरिएको गाउँपालिकाका प्रमूख प्रशासकिय अधिकृत रविन्द्र प्रसाद चौधरीले जानकारी दिनुभयो । केहि दिन देखि अत्याधिक बढेको चिसोका कारण पश्चिम तराईका जिल्लाहरुका नागरिकहरुको दैनिक कार्यसम्पादनमा समेत प्रतिकुल असर पारेको छ ।

विशेष गरी वालवालिका र वृद्धबृद्धा र विद्यालय उमेरका विद्यार्थीहरु मारमा परेका छन् । कपिलवस्तु जिल्लाका सामुदायिक विद्यालयहरुको भौतिक पूर्वाधारको अवस्था समेत जाडो छल्न नसक्ने अवस्थामा रहेका कारण पनि विशेष गरी विद्यालय समयमा विद्यार्थीहरु बढि चिसोको जोखिममा पर्ने गरेका छन् ।