NRNA कतारको सह-कोषाध्यक्ष पदमा बुद्ध पाण्डेको उम्मेद्वारी

कुमार अविरल पन्थी, कतार ।
गैरआवसीय नेपाली सघं राष्ट्रिय समन्वय परिषद् कतारको २०१९-२०२१ कार्यकालका लागी सह-कोषाध्यक्ष पदमा बुद्ध पाण्डेले उम्मेद्द्वारी दर्ता गराएका छन् । शुक्रवार आयोजित उम्मेद्वारी दर्ता कार्यक्रममा पाण्डेले आफ्नो उम्मेद्वारी दर्ता गराएका हुन् ।

गुल्मी जिल्लाको मुसीकोट नगरपालिका वडा नं १ पौदी थामडाडा घरभइ विगत लामो समयदेखि कतारमा कार्यरत पाण्डेले मध्यपूर्वमा सम्पूर्ण नेपालीहरुको आवाजलाई उठाउन तथा क्रमिक रुपमा अगाडि बढ्नुपर्छ भन्ने महसुस गरेर आफूले उम्मेदवारी घोषणा गरेको साझा नेटवर्कलाई बताए ।

लामो समयदेखि निरन्तर समाज सेवामा सकृय रहेका पाण्डे गुल्मी सेवा समाज कतारका पुर्व अध्यक्ष तथा वर्तमान कार्यसमितिका प्रमुख सल्लाहकार हुन । पाण्डे यतिबेला कतारमा थप जिम्मेवारी सहित सामाजिक क्षेत्रमा थप सक्रिय बन्दै आएका छन् ।

रोजगारिको सिलसिलामा कतारमा रहनु भएका आदरणीय गैर आवासीय नेपाली दाजु-भाइ तथा दिदि-बहिनिहरु, व्यवसायी, वुद्धिजिवी, पत्रकार, मिडियाकर्मी लगायत सम्पुर्णमा नमस्कार ।

NRNA कतारको सह-कोषाध्यक्ष पदमा मेरो उम्मेद्धवारी ।

विगत लामाे समयदेखि कतारमा विभिन्न संघ सस्थामा कार्यरत रहदै, सामाजिक कार्यहरुमा निरन्तर सक्रिय हुदै गुल्मी सेवा समाज कतारको पुर्व अध्यक्ष तथा वर्तमान कार्यसमितिको प्रमुख सल्लाहकार पदमा रहेर काम गर्दै गर्दा यहाँहरु सँगको सामिप्यता बढ्दै जादा कतारमा स्थापित संघ-सस्था समुदाय तथा गैर आवासीय नेपाली संघ कतारसँग पनि धेरै नजिक भएर काम गर्ने मौका मिल्यो र यसलाई मैले सेवा गर्ने मौकाको रुपमा महसुस गरेको छु ।

थप जिम्मेवारी सहित आगामी कार्यकालको कार्यसमितिमा रहेर सेवा गर्ने दृढ ईच्छा भएको हुदा गैर आवासीय नेपाली संघ, राष्ट्रिय समन्वय परिषद् कतारकाे आसन्न आठौं अधिवेशनबाट निर्वाचित हुने २०१९/२०२१ कार्यकालका लागि सह-कोषाध्यक्ष पदमा उम्मेद्वारी घाेषणा गरेकाे सहर्ष जानकारी गराउदै कतारमा स्थापित सम्पुर्ण संस्थाका प्रतिनिधि, वुद्धिजीवी तथा समाज सेवी महानुभावहरु समक्ष सहयोगको अपेक्षा सहित हार्दिक अपिल गर्दछु ।

साथै गैर आवासीय नेपाली संघका विभिन्न अभियानलाई पुर्णता दिन थप उर्जा प्रदान गर्नेछु भन्दै पुर्ण साथ सहयोग र समर्थनको अपेक्षा सहित मेरो उम्मेद्वारी घोषणा गरेको छु । धन्यवाद !

---

विशेष आभार सहित
बुद्ध पाण्डे
QA000260
NRNA NCC कतारको सह-कोषाध्यक्ष पदका उम्मेद्वार ।