बलेटक्सार रुपन्देही समाजद्वारा रक्तदान

बुटवल, आषाढ ०५।
हरेक महिना एउटा सामाजिक कामको नारा लिएर गत वैशाखमा स्थापित गुल्मी बलेटक्सार–रुपन्देही सम्पर्क समाजले तेस्रो महिना तेस्रो काम ‘रक्तदान’ कार्यक्रम सम्पन्न गरेको छ ।

नेपाल रेडक्रस सोसाईटी रुपन्देहीले सञ्चालन गरेको रक्त सञ्चार सेवा केन्द्र बुटवलको प्राबिधिक सहयोगमा केन्द्र परिषर मै संचालित रक्तदान कार्यक्रममा ५५ जनाले रक्तदान गरेका थिए ।गत बैशाखमा समाजले २०७३ सालको भित्ते पत्रिका प्रकाशन गरेको थियो भने जेठमा गुल्मीको थानपती गाबिस अग्नी पिडितलाई राहत प्रदान गरेको थियो ।

तेस्रो महिनाको कार्यक्रम अन्तरगत रक्तदान कार्यक्रम आयोजना गरिएको समाजका अध्यक्ष नारायण ज्ञवालीले बताउनु भयो । समाजले यो महिना थप अर्को कार्यक्रम पनि घोषणा गरेको छ जस अन्तरगत बृक्षारोपण कार्यक्रम तय गरेको सचिव हेम थापाले बताउनु भएको छ ।