अन्डर सेभेन्टिन नक आउट क्रिकेटको उपाधी देवदहलाई

दिपक न्यौपाने, बुटवल जेष्ठ २८।
स्कर्लस होम क्रिक्रेट एकेडेमिको आयोजनामा बुटवल देबिनगरमा सम्पन्न अन्डर सेभेन्टिन नकआउट क्रिकेट प्रतीयोगीताको उपाधी देबदह क्रिकेट युनिटले हात पारेको छ । प्रगतीनगरको खेल मैदानमा सम्पन्न फाइनलमा आयोजक स्कर्लसलाई देबदहले ४६ रनको भारी अन्तरले पराजीत गरेको हो ।

टस जितेर ब्याटिङ रोजेको देबदहले २० ओभरको खेलमा ८ बिकेट गुमाइ १११ रन जोड्न सफल भएको थियो । जवाफी ब्याटिङमा उत्रिएको स्कर्लस भने १८ ओभरमा अलआउट हुदै जम्मा ६५ रनमै खुम्चियो । प्रतीयोगीतामा स्कर्लसका बिकास आर्चाय म्यान अफ द सिरीज घोषीत भए भने बेष्ट बलरको उपाधी पनि स्कर्लसकै सुबम गमालको पोल्टामा पर्यो । टुनामेन्टको बिजेता देबदहले नगद १५ हजार ,शिल्ड तथा मेडल पाएको छ भने उपबिजेता स्कर्लसले ८ हजारमै चित्त बुझायो ।

यसैबिच प्रतीयोगीताको बिजयी तथा उपबिजेता टोलीलाइ स्कर्लस होम एकेडेमी बुटवलका प्रार्चाय तथा प्रमुख अतिथी जयप्रकाश भटराइले पुरस्कृत गरेका थिए । पुरस्कार बितरण कार्यक्रममा प्रार्चाय भटराइ,पत्रकार दिपक न्यौपाने,देबदह क्रिकेट युनिटका अध्यक्ष रबि रेग्मि,लगायतले बोल्दै स्थानिय स्तरको क्रिकेट बिकासका लागी यस्ता प्रतीयोगीता महत्वपुर्ण हुने बताएका थिए ।

खेल संयोजक बिशाल आर्चायको अध्यक्षतामा सम्पन्न भएको कार्यक्रमको सन्चालन शिक्षक राजु भण्डारीले गर्नुभएको थियो । जेष्ठ १५गतेदेखी सन्चालन भएको प्रतीयोगीतामा रुपन्देहि आसपासका बिभिन्न बिधालय र क्लब गरी २८ टिमको सहभागीता रहेको थियो ।