तरुण दल क्षेत्रिय सभापतिमा थापा

प्रेम सुनार गुल्मी, जेठ २२।
नेपाली कांग्रेसको भातृ संगठन नेपाल तरुण दलको प्रथम क्षेत्रिय अधिवेशनले तम्घासको उदिनढुङ्गाका ३४ वर्षय सन्तबहादुर थापा सभापतिमा सर्वसम्मत निर्वाचित भएका छन् ।

आज गुल्मीको विरवासमा भएको २ नम्वर क्षेत्रिय अधिवेशनले थापालाई सर्वसम्मत चयन गरेको हो । उपाध्यक्षमा हर्दिनेटाका प्रेमबहादुर वुचा, सचिवमा थानापतिका सुदिप ज्ञवाली , सह–सचिवमा दिगामका हरिप्रसाद कँडेल र कोषाध्यक्षमा गौडाकोटका नविन कार्की निर्वाचित भएका छन् ।

सदस्यहरुमा रेसुङ्गा नगरपालिका ४ का कृष्णबहादुर दर्लामा , दौघाका रामबहादुर ज्ञवाली, विरवासका नारायण ढेंगा, रेसुङ्गा ४ का विरेन्द्र श्रेष्ठ, विरवासका शिवलाल टण्डन र दरवार देविस्थानका ईन्द्रबहादुर थापा निर्वाचित भएको निर्वाचन अधिकृत विष्णु वलालले जानकारी दिए ।

नव निर्वाचित कार्य समितलाई नेपाली कांग्रेसका जिल्ला पार्टी सभापति भुवनप्रसाद श्रेष्ठ, र सचिव खिलध्वज पन्थीले शपथ खुवाएका थिए । सञ्चारकर्मी संग छोटो प्रतिकृया दिदै पार्टीले दिएको यो जिम्मेवारीलाई अवसरका रुपमा लिदै आफुले नेपाली कांग्रेसको झण्डा फर्फराउने गरी संगठन निर्माण गर्ने नव निर्वाचित अध्यक्ष थापाले बताए ।

‘एमाले परित्याग गरी कांग्रेसमा प्रवेश’
यसै विच तरुण दलको सोही कार्यक्रममा नेपाली कांग्रेसले नेकपा एमाले पार्टी परित्याग गरी दर्जनौ कार्यकर्ता आफ्नो पार्टीमा प्रवेश गरेको बताएको छ । तरुण दलका जिल्ला अध्यक्ष भरत भलामीले दिएको जानकारी अनुसार नेकपा एमले परित्याग गरी २५ जना कार्यकर्ता नेपाली कांग्रेसमा प्रवेश गरेका छन् ।

प्रवेश गर्ने हर्दिनेटा ८ का खिममाया वुचा, कमला बिक, सिता बिक, मनकली सुनार , पार्वती बिक, मिना बुचा, धनबहादुर परियार, उजेली परियार, सिता परियार, राधा नेपाली, पुष्पा नेपाली, शान्ति परियार , सितल बिक, सुनिता नेपाली रहेका छन् ।

त्यस्तै विरवास ४ बाट हर्क राना, केशव सोमै, राजु सोमै, विष्णु सोमै, सविर बिक, शेखर सनानी, यमबहादुर राना, दुर्गा डम्वरपाल , शिवकुमार वलाल र लालबहादुर बलाल र हस्तीचौर युथफोर्शका उपाध्याक्ष विष्णु कुँवर पनि पार्टी प्रवेश गरेको कांग्रेसले जनाएको छ । कांग्रेसले उनिहरु नेकपा एमालेबाट पार्टी प्रवेश गरेको बताए पनि एमालले उनिहरु आफ्नो पार्टीको कार्यकर्ता भए नभएको पुष्टी भने गरेको छैन् ।