कलकतामा हुने सार्क राष्ट्र कराते प्रतियोगितामा भाग लिन जाने खेलाडिलाई बिदाई

रञ्‍जित चौरसिया, वीरगंज चैत १०।
भारतको कलकतामा आयोजना हुन लागेको सार्क राष्ट्र कराते प्रतियोगितामा भाग लिन जान लागेका कराते खेलाडीहरुलाई आज वीरगंजमा सम्मान सहित बिदाई गरिएको छ ।
वीरगंज महानगरपालिका वडा नं. १० कबड हल घडिअर्वामा आयोजित कार्यक्रममा वीरगंजबाट प्रतियोगितामा भाग लिन जान लागेका २० जना खेलाडिहरुलाई वीरगंज महानगरपालिकाका नगरप्रमुख बिजय कुमार सरावगी र नेकपा एमालेका युवा नेता अजय कुमार गुप्ताले खादा, अबरि टीका र माला लगाई बिदाइ गर्नु भएको हो ।

सो अवसरमा युवा नेता गुप्ताले खेलाडिहरुलाई आर्थिक सहयोग समेत गर्नु भएको थियो । कार्यक्रममा बोल्दै मेयर सरावगी र नेता गुप्ताले वीरगंजका खेलाडिहरु प्रतियोगितामा विजयी हुने पुर्ण आशा र विश्वास लिदै वीरगंज तथा देशकै नाम चिनाउन सफल हुने बताएका थिए ।

करोत गुरु राजकुमारको नेतृत्वमा भारतको कलकतामा आयोजना हुन लागेको सो प्रतियोगिता भाग लिन खेलाडिहरु गएको गुप्ताले बताए ।