नमूना बाल क्लबद्धारा मुसिकोटका क्वारेन्टाइमा बस्नेहरुलाई माक्स र सेनिटाइजर वितरण

सूर्य सुनार,गुल्मी असार ५ ।

मुसिकोटमा क्वारेन्टाइमा बसेका १६ जनालाई नमूना बाल क्लब द्धारा माक्स सेनिटाइजर वितरण गरेको छ । जिल्लाको मुसिकोट नगरपालिका वडा नम्बर ३ पृथ्वी माध्यामिक विद्यालयको क्वारेन्टाइमा बसेका व्यक्तिलाई माक्स सेनिटाइजर वितरण गरेको क्लब सचिब अनिता सुनारले जानकारी दिनुभयो ।साथै क्लबले क्वारेन्टाइमा बसेका १६ जनालाई आज नास्ता पनि खुवाएको क्लबकी सल्लकार तथा समाजसेवी रुपा विश्वकर्माले बताउनुभयो । कोरोना भाइरसको कारणले गर्दा उनीहरु भारतबाट आएर क्वारेन्टाइमा बसेका थिए । क्वारेन्टाइमा बसेका व्यक्तिहरुले थोरै भए पनि क्लबले सहयोग गरेकोमा खुशी व्यक्त गरेको क्लबका सदस्य विनोद बरालले बताउनुभयो । क्लबले समाजमा नमूना योग्य काम गदै आएको र बालबालिकाको क्षेत्रमा राम्रो काम गरेको र यो विपत्तको समयमा पनि बाल क्लबबाट यदी ठूलो सहयोग गरेकोमा वडा सदस्य शंकर रायमाझीले धन्यवाद व्यक्त गनुभयो ।

क्लबले प्रत्येक वर्षको साउन महिनामा बालबालिकालाई टिउसन कक्षाको पनि व्यवस्था गर्ने गर्दथ्यो तर र यस वर्ष भने असार महिना बाटनै पढाउने सोच गरेको जनाएको छ । क्लबले यस अधि क्वारेन्टाइमा बसेका ३२ जना लाई माक्स सेनिटाइजर र नास्ता वितरण गरिसकेको थियो । क्लबका सदस्य यशोदा सुनार , शन्ध्या विश्वकर्माको पनि सहयोग रहेको थियो ।