प्युठानको गौमुखी गाउँपालिकाले ७ वटै वडाबाट राहत वितरण सुरु गर्यो

जोगिन्द्र मल्ल, प्युठान चैत्र २४ ।
बिश्वमा कोरोना भाइरसको महामारी फैलिरहेको र नेपालमा लकडाउन गरेको २ हप्ता बितिससक्दा संक्रमणको संख्या वृद्धि हुन थाले पछी बैशाख ३ गते सम्मका लागी नेपाल सरकारले लकडाउनको समय अबधि लम्बाएको छ ।

यता गौमुखी गाउँपालिका प्युठानले दैनिक ज्याला मजदुर गरि जिबन यापन गर्न कठिन भएका बिपन्न श्रमिक बर्गको लागि ७ वटै वडाबाट राहत बितरण सुरु गरेको गौमुखी गाउँपालिका अध्यक्ष बिष्णु कुमार गिरिले बताउनु भयो । राहत बितरणमा लकडाउनको अबधीमा जिबन गुजाराका लागी आबस्यक दैनिक उपभोग्य खाद्यान्न चामल ,दाल ,तेल ,नुन ,चिनि र साबुन बितरण गरेको छ।

राहत लिन आएका गौमुखी गाउँपालिका ५ खुङका सिता सुनार भन्छिन एक रोपनी जग्गा पनि छैन। दैनिक अरुको निमेक गरेर खानु पर्छ। तेस्तै बिष्णु कुमारी सुनार आफ्नो श्रीमान बिदेश गएको आठ महिना बितिसक्दा पनि सम्पर्क बिहिन भएको र अरुको काम गर्दा दिन भरीको २५० रुपैयाँ लिएको ज्यालाले आफु र छोरा छोरीलाई बिहान बेलुकी छाक तार्न मुस्किल भएको गुनासो पोखिन।

लामो समय लकडाउनको अबस्था बढने र गौमुखी गाउँपालिकामा खाद्यान्न संकेट पर्ने हुदा स्थानीय स्तरमा उत्पादित बैकल्पिक खाद्यान्न कोदो, मकै,गहुँ लगाएतका अन्नलाई मदिरा उत्पादन नगर्न अनुरोध गरेको गौमुखी गाउँपालिकाका प्रमुख प्रशासकिय अधिकृत राजिव पन्थीले जानकारी गराउनु भयो।