हिडेरै स्याङ्जा बाट गुल्मीहुदै प्युठान सम्मको यात्रा

अजय जेम्स,गुल्मी चैत्र १२ ।

गुल्मी स्याङ्जाबाट प्युठान जानको लागि हिडेको समुहलाई बुधबार देउरालिमा स्वास्थ्य परीक्षण गरी पठाइएको छ । मंगलबार बेलुकी देखि प्युठान जानकोलागि स्याङ्जा बाट रातभर पैदल यात्रा गरेर आएका १२ जनाको समुहलाई गुल्मीको रेसुङ्गा नगरपालिका ९ देउरालिमा स्वास्थ्य परिक्षण गराई पैदलयात्रामार्फत नै घरतर्फ पठाईएको हो ।अहिले नेपाल सरकारले कोरोना भाइरसको संक्रमणलाई रोक्नको लागि देशभर लकडाउनको घोषणा गरेपछि देश भरका सम्पुर्ण कलकारखाना,संघ संस्थाहरु लगाएत बिभिन्न किसिमका निर्माण सम्बन्धी कामहरु बन्द भएका छन् । स्याङ्जामा सडक निर्माणमा लेवरको काम गर्दै आएको यो टोली काम रोकिएपछि प्युठान हिडेका हुन् । सम्पुर्ण सवारी साधनहरु बन्द भएपछि निषेधाज्ञाको बेवास्ता गर्दै धेरैसमय बन्द हुनेहोकी भन्ने डरले पैदलयात्रा मार्फत प्युठान हिडेको पैदलयात्रीहरु बताउछन् । देउराली स्थीत हेल्थडेक्समा स्वास्थ्य परीक्षण गराउँदा सबैको ज्वरो समान्य रहेको स्वास्थ्यकर्मी मञ्जु घर्तिमगरले बताउनुभयो ।

यस्तै देउरालीमा रहेका चेकपोष्टमा सोहि समुहलाई चेक जाँच गरी सुरक्षीत रुपले जान आग्रह गरेको देउरालि पोष्ट इन्चार्ज प्रहरी हवल्दार सुवास कुमार नेपालीले जानाकारी दिनुभयो । नेपाल सरकारले कोरोना भाइरसको संक्रमणलाई रोक्नको लागि देशभर निषेधाज्ञाको घोषणा गरेको छ तर यस्तो बेलामा पनि मानिसहरु एक ठाउँबाट अर्को ठाउँमा जाने क्रम रोकीएको छैन् । रोग लागेपछि उपचार गर्नु भन्दा रोग लाग्न नदिनु महत्वपुर्ण उपाए हो । त्यसैले सरकारको यो नियम तपाई हाम्रै लागी हो जाहाँ छौँ त्यहि बसौैँ सुरक्षीत रहौ त्रसित नबनौँ ।