कोरोना भाइरस विरुद्धको सचेतना अभिवृद्धिमा सन्चारकर्मिको भूमिका महत्वपूर्ण छ : स्वास्थ्य प्रमुख सुबेदि

राम बहादुर बिश्वकर्मा,प्युठान चैत ६ ।

स्वास्थ्य कार्यालय प्युठानका प्रमुख विशाल सुबेदिले विश्वलाई नै आतंकित बनाइरहेको कोरोना भाइरसविरुद्वको सचेतना अभिवृद्विमा सन्चारकर्मिको भूमिका अहं हुने बताएका छन् ।बुधबार स्वास्थ्य कार्यालय प्युठान को आयोजनामा सन्चारकर्मि संग भएको अन्तरक्रिया कार्यक्रममा उनले क्रोना भाइरसबारे व्याप्त अफवाह चिर्दै सचेतनामा सन्चारकर्मिको भूमिका महत्वपूर्ण हुने बताए । सुबेदिले सन्चारकर्मिहरुमा सामाजिक उत्तरदायित्वबोध उन्नत छ भन्ने प्रमाणित गर्न पनि वर्तमान तरलताको स्थितिमा रचनात्मक भूमिका खेल्नुपर्ने बताए । राज्यले लिएको पहलकदमीलाई जनताकावीचमा पुर्याई सचेतनाको काममा सन्चारकर्मिले सहयोग गनुपर्ने सुबेदिले बताए । अन्तर जिल्लानाकामा हेल्थ डेक्स: प्रमुख सुवेदीका अनुसार अन्तर जिल्ला जोड्ने नाकामा हेल्थ डेक्स राख्ने तयारी भएको बताए ।

स्थानीय तहसँगको समन्वयमा प्यूठान जिल्ला सँग सिमा जोडिएका नाकामा हेल्थ डेक्स राख्ने उनको भनाई थियो । यो रोग बढी मानव मानव बाट सर्ने भएकोले उहाँले हाथ न मिलाऔं , मनले नमस्कार गरौं भन्दै सबैलाई सन्देश दिएका थिए। ऐरावतीका व्यक्ति आइसोलुसन: ऐरावती गाउँपालिका–२ मा भेटिएका विरामी बुटवलमा आइसोलुसन कक्षमा रहेको उनले जानकारी दिए। उनको ल्याव टेष्टका लागि काठमाण्डौ लगिएको समेत उनले जानकारी दिए। विरामी व्यक्ति सहित ६ जना बुटवल गएकोमा हेरचाहका लागि श्रीमति सँगै रहेकी छिन् । बाँकी चार जना घर फर्किएका छन् । श्रीमति श्रीमानको हेरचाहका लागि बस्नुभएको हो, उनले भने । सञ्चार माध्यम र पत्रकारले सही सूचना प्रवाह गर्नुपर्ने भन्दै सामाजिक सञ्जालबाट त्रसित बनाउने काम भइरहेको उनको भनाई थियो ।

कोरोनाको औषधि पत्ता नलागिसकेको र सामान्य लक्षणका ६ महिनाका लागि पुग्ने औषधी स्टक रहेको समेत उनले बताए । नेपालमा अहिलेसम्म चार सय ९६ जनालाई जाँच गरेकोमा एक जनालाई मात्र संक्रमण भेटिएको छ, उनले भने, डराइहाल्नुपर्ने अवस्था छैन, सर्तकर्ता अपनाउनु चाहिँ आवश्यक छ । पाँच नम्वर प्रदेशले क्वारेन्टाइन भवन निर्माण गर्न लागेको समेत उनले जानकारी दिए । ल्याव समेत स्थापनाको तयारी भएको उनको भनाई छ । त्यस्तै कार्यक्रममा प्युठान अस्पतालका निमित्त प्रमुख डा.अमृत पन्थीले क्रोनाका सम्बन्धमा अर्नगल ढंगका प्रचार भइरहेकोले नागरिकमा त्रास उत्पन्न भएको बताए। सहि सूचनाको अभाव र सस्तो प्रचारबाजीका कारण नागरिकमा क्रोना भाइरस सम्बन्धी भ्रामक प्रचारमा बाँच्नुपर्ने परिस्थिति सिर्जना भएकोले सत्य तथ्य बुझेर मात्र प्रकाशन तथा प्रसारण गर्न संचारमाध्यमसंग डा :पन्थिले अपिल गरे ।

उनले नेपालमा अहिलेसम्म क्रोना संक्रमति बिरामी नदेखिएका कारण आतंकित नभई आवश्यक सर्तकता अपनाउन आग्रह गरे । नियमित रुपमा हात धोऔं, भीडभाडमा नजाऔं, अनावश्यक रुपमा नाक, कान र मुखमा हात लगाउने काम नगरौं भन्ने सन्देशलाई व्यापक रुपमा प्रवाह गर्नुपर्ने आवश्यक्ता रहेको डा पन्थिले औल्याए । कार्यक्रममा सन्चारकर्मिले जिल्लामा हुने सबै घटना सम्बन्धि सूचना एक द्वार प्रणाली बाट जानकारी भएमा क्रोना भाइरस सम्बन्धि पनि देशभरका सवै संजालमार्फत राष्ट्रव्यापी हिसाबले सहज हुने बताएका थिए ।