विनेसाम जापानको दोस्रो साहित्य श्रृङ्खलामा सावाको सुस्केरा विमोचन

साझा नेटवर्क,काठमाडौं पुष २२ ।

विश्व नेपाली साहित्य महासंघ जापानले आफ्नो नियमित दोश्रो साहित्य श्रृङ्खला टोकियोको सिनओकुवोमा सम्पन्न गरेको छ ।कवि लोकनाथ अधिकारी र गंगा गगनको विशेष रचना वाचन तथा सावाको सुसेली प्रवासमा विमोचन गरिनुका साथै अन्य श्रष्टाहरुको रचना वाचन कार्यक्रम पनि गरिएको थियो । कार्यक्रममा एनआरएनए जापानका अध्यक्ष देवीलाल भण्डारीको प्रमुख आतिथ्यता र विश्व नेपाली साहित्य महासङ्घका केन्द्रीय सदस्य भुवन रोकाको विशेष आतिथ्यता रहेको थियो ।

कार्यक्रमका अन्य अतिथीहरुमा चन्द्र कुमार लिङनाम, पदमसिँ ठगुन्न, अनु थोकर, शुक्र राई, प्रेमिला गौचन लगायतका उपस्थिती रहेको थियो । विशेष अतिथी भुवन रोकाले मन्तव्य सहित आफ्नो रचना सुनाएका थिए। भने अर्का अतिथी पदम सिंह ठगुन्नाले शुभकामना सन्देश सहित रचना प्रस्तुत गरेका थिए ।कार्यक्रममा सर्जकहरु सुरेन्द्र पोखरेल,विजय स्याङ्बो, शिवराज राई, विमन किराती, शुक्र राई, शंकर हरी खालिङ, सयपत्री थुलुङ, निशान राई, रविन्द्र दिखुक्पाले आफ्ना रचनाहरु वाचन गरेका थिए भने चन्द्र कुमार जबेगु र देवेन्द्र लावतीले सांगीतिक प्रस्तुति मार्फत महोललाई तताएका थिए ।

संस्थाका अध्यक्ष देवी बहादुर ईङनामको सभापतित्व सदस्य शंकरहरी खालिङको स्वागत मन्तव्य रहेको कार्यक्रम संस्थाका महासचिव रविन्द्र दिखुक्पा र सचिव विमन किराँतीको संचालनमा सम्पन्न भएको थियो ।