नेपाली काँग्रेस गुल्मीले स्थानीय तहमा हुने भ्रष्टाचारका विरुद्ध भण्डाफोर अभियान संचालन गर्ने

साझा नेटवर्क,गुल्मी पुष १३ ।

नेपाली काँग्रेस गुल्मीले स्थानीय तहमा हुने गरेका अनियमिता, भ्रष्टाचारको विरुद्ध भण्डारफोर गर्ने बताएको छ । शनिबार तम्घासमा बसेको नेपाली कांग्रेसको २९ औँ बैठकले स्थानीय तहमा हुने भ्रष्टाचारका विरुद्ध भण्डाफोर गर्ने बताएको हो ।पछिल्लो समय स्थानीय तहमा देखिएको भ्रष्टाचारको भण्डाफोरका लागि जनचेतना फैलाउने कार्यक्रम तय भएको नेपाली काँग्रेसका जिल्ला सचिव खिलध्वज पन्थीले जानकारी दिए । बैठकमा नेपाली कांग्रेसको केन्द्रीय कार्यालयको स्थानीय तह पुर्नसंरचना कार्य विधि २०७६ भित्र रहेर जिल्लामा पनि गाउँपालिका, नगरपालिका, प्रदेश र क्षेत्रकोे सांङगठिनक ढाचाँलाई पूर्णता दिईएको पार्टी सभापति भुवनप्रसाद श्रेष्ठले बताए ।

बैठकले यहि पौष १६ गते जिल्लाका सबै स्थानीयतहमा भव्य रुपमा राष्ट्रिय मेलमिलाप दिवस मनाउने निर्णय समेत गरेको छ । राष्ट्रिय मेलमिलाप दिवसमा जिल्लाबाट प्रतिनिधि समेत सहभागी गराउने सभापति श्रेष्ठले बताए । एक महिने बृहत प्रशिक्षण कार्यक्रमको आयोजना गर्ने निर्णय समेत भएको छ, सभापति श्रेष्ठले जानकारी दिए । बैठकमा जिल्लाका पदाधिकारी, क्षेत्रीय सभापतिहरु, पूर्व जिल्ला सभापतिहरु, महाधिवेशन प्रतिनिधि, महासमिति सदस्य, सम्पूर्ण भातृ तथा शुभेच्छुक संस्थाका प्रमुखहरुको सहभागिता रहेको थियो ।