२५६३औं बुद्ध जयन्तीको अवसरमा टोकियोमा भव्य शान्ति पदयात्रा सम्पन्न

साझा नेटवर्क, टोकियो जापान ।
२५६३औं बुद्ध जयन्तीको अवसरमा गैरआवासीय नेपाली संघ एनआरएनए ले आयोजना गरेको शान्ति पदयात्रा भव्य रुपमा सम्पन्न भएको छ । सन २०१५ वाट नेपाल जापान युथ क्लब र विई फर अल दुई सामाजिक संस्थाहरुको आयोजनामा हुँदै आएको उक्त ¥याली गत बर्षबाट एनआरएनए जापानले गर्दै आएको महासचिव बुद्धि राज घिमिरेले जानकारी दिनुभयो ।

अझै पनि कतिपय जापानी नागरिकमा बुद्धको जन्मस्थलबारे भ्रम रहेकाले त्यसलाई चिर्न र नेपालको पर्यटनमा सहयोग पु¥याउने हेतुले र नेपालको परिचय गराउन शान्ति ¥यालीले महत्वपूर्ण भूमिका खेल्ने आयोजकको विश्वास छ । यस पटकको र्यालीलाई गैरआवासीय नेपाली संघ जापानका उपाध्यक्ष शिव प्रसाद पौडेल, उपाध्यक्ष सरोज कुमार खत्री र युवा संयोजक लेलिन भट्टचनले संयोजन गरेका थिए ।
बुद्ध नेपालमा जन्मेका हुन् भन्ने मुख्य सन्देश फैलाउने उदेश्य सहित आईतबार टोकियोको हिबिया पार्कबाट गिन्जासम्म शान्ति पदयात्रा गरिएको थियो ।हिबीया पार्कबाट दिउँसो १३:३० बजे सुरु गरिएको र्यालीमा जापानी प्रहरी प्रशासनले महत्वपुर्ण भूमिका निर्वाह गरेका थिए ।

¥यालीमा वुद्धको जन्मस्थल लुम्बिनी हो , नेपालबाट संसारभर शान्तिको सन्देश फैलाउँछौँ वुद्ध वाज वर्न इन नेपाल जस्ता नारा लगाइएको थियो । बुद्ध नेपालमा जन्मेको हो भनेर चिनाउने मात्र नभई नेपालको कला र संस्कृतिबारे समेत चिनाउने यो महत्वपूर्ण अवसरमा सहभागी जापान वासी एवं नेपाली तथा नेपाली संघ संस्थाहरुलाई अध्यक्ष टासि वाङदी लामाले धन्यवाद ज्ञापन गर्नुभयो ।

सहभागीहरुले स्वस्फुर्त रुपमा नेपालबारे सकारात्मक सन्देश दिने प्लेकार्ड, व्यानर वा नेपाल जापान सम्वन्ध झल्काउने तथा भगवान गौतमबुद्ध नेपालमा जन्मिएका हुन् भन्ने खालका प्लेकार्ड पनि संगै प्रदर्शन समेत गरेका थिए