गाउँलेबीच झडप, प्रहरीद्वारा २० राउण्ड हवाई फायर

साझा नेटवर्क , बुटवल असोज १० ।
रौतहटको गरुडा ९ श्रीपुरमा स्थानीय वासिन्दाबीच झडप हुँदा प्रहरीले २० राउण्ड हवाई फायर गरेको छ ।

गरुडाको वाग्मती नदीमा शव जलाउने विषयमा स्थानीय वासिन्दाबीच विवादले उग्र रुप लिए पछि नियन्त्रणका लागि प्रहरीले हवाई फायर गरेको थियो । प्रहरीले झडप रोक्न २० राउण्डभन्दा बढी अश्रुग्यास पनि हानेको बताइएको छ।

झडप रोक्न गरुडामा ठूलो संख्यामा नेपाल प्रहरी र सशस्त्र प्रहरी परिचालन गरिएको छ भने झडपका क्रममा केही गाउँले घाइते भएका बताए । झडप नियन्त्रणमा खटिएका केही प्रहरीसमेत घाइते भएका छन् । घटनास्थल रौतहट सदरमुकाम गौरबाट २२ किलोमिटर उत्तरमा पर्छ । रासस

---

प्रकाशित मिति : १० असोज २०७५ ।