गुल्मीको सत्यवती गाउपालिकाले सरसफाइ अभियान शुरु गर्‍यो

टोपलाल अर्याल , गुल्मी साउन २७ ।
गुल्मीको सत्यवती गाउँपालिकाले ‘बृहत सरसफाई कार्यक्रम’ सुरु गरेको छ। गाउँकार्यपालिकाको शनिबार बसेको बैठकले सरसफाई कार्यक्रम सुरु गर्ने निर्णय गरेको हो । कार्यक्रमको पहिलो दिन गाउँपालिकाको केन्द्र अरुङ्गा खैरेनी बजारमा सरसफाई गरिएको थियो । संकलित फोहोरलाई पूर्व भारतिय सेनामा कार्यरत तुलसी ज्ञवालीले प्रदान गरेको जग्गामा विसर्जन गरिएको छ । सरसफाई कार्यक्रममा गाउँपालिकाका जनप्रतिनिधि, कर्मचारी, नेपाल प्रहरी, शिक्षक, बजार ब्यवस्थापक, स्थानिय युवा क्लव, रेडक्रस, संघ सस्थाँ लगायतको उपस्थिति रहेको गाउपालिकाका प्रमुख प्रसासकिय अधिकृत यादब भण्डारीले बताए ।गाउँपालिकाले पूर्ण सरसफाईयुक्त बनाउने अभियान थालेकोले सरसफाई गरिएको गाउँपालिका अध्यक्ष पारिश्वर ढकालले बताए । साथै उनले यो कार्यक्रम सम्पूर्ण वडास्तरसम्म विस्तार गरिने, , प्रत्यक टोल–टोलमा डस्विन वितरण गरिने, प्लास्टिकको प्रयोगलाई घटाउने लगायतका योजना पनि गाउँपालिकाले बनाएको जानकारी गराए ।

प्रकाशित मिति : २७ साउन २०७५ ।