अर्जुन आवासिय माविको ३४ औ बार्षिक उत्सव सम्पन्न

टोपलाल अर्याल , गुल्मी बैशाख ३ ।
अर्जुन आवासिय माविको ३४ औ बार्षिक उत्सव, अभिभाव दिवस तथा परिक्षाफल प्रकाशन विभिन्न कार्यक्रम सहित सकिएको छ ।
कार्यक्रममा पुर्व बिद्यार्थी डाक्टर उत्तम पच्या, डाक्टर रामचन्द्र पन्थी र डाक्टर सुमन केशीलाई सम्मान गरिएको छ । भर्खरै सम्पन्न परिक्षामा कक्षा तथा तहगत रुपमा उत्कृष्ठ बिद्यार्थीलाई सम्मान तथा पुरस्कार वितरण गरिएको बिद्यालयले जनाएको छ । कार्यक्रममा बिद्यालयको कक्षा ११ र १२ मा अध्यापन गराउने बिज्ञान संकायमा शिक्षकलाई बिदाई तथा उत्कृष्ट कार्य सम्पादन गर्ने शिक्षक शिक्षिकालाई सम्मान गरिएको छ। बार्षिक उत्सवको अवसरमा बिद्यालयका भाइस प्रिन्सीपल रवि बिष्टले बार्षिक प्रतिवेदन प्रस्तुत गर्नुभएको थियो ।बिद्यालय व्यावस्थापन समिति अध्यक्ष नर प्रसाद श्रेष्टको अध्यक्षता रहेको कार्यक्रममा बिद्यालय जिल्ला समन्वय समिति अध्यक्ष लक्ष्मण पराजुलीको प्रमुख तथा रेसुङ्गा नगरपालिकाका शिक्षा शाखा प्रमुख पिताम्बर पन्थीको बिशेष आतिथ्यता रहेको थियो ।कार्यक्रममा प्रमुख अतिथी पराजुली, बिशेष अतिथी पन्थी तथा बिद्यालयका संरक्षक दान बहादुर केशी, समाजसेवी नन्दराम भुसाल लगायतले मन्तव्य राख्नुभएको थियो । बिभिन्न साँस्कृतिक प्रस्तुती सहितको कार्यक्रमको संचालन भाइस प्रिन्सीपल रबि बिष्ट र शिक्षिक शर्मिला खनालले गर्नुभएको थियो ।