गुल्मी समाज अष्ट्रेलियाको अध्यक्षमा केसी निर्वाचित

अनिल खत्री, गुल्मी माघ १७ ।
गुल्मी जिल्लाबाट अष्ट्रेलिया गई विभिन्न पेशा अध्यान र ब्यबसायमा रहेका गुल्मी बासीहरूको साझ संस्था गुल्मी समाज अष्ट्रेलियाको साधारण सभा सम्पन्न भएको छ । साधारण सभाले आगामी कार्यकालका लागि श्याम केसीलाई सर्बसम्मत अध्यक्षमा चयन गरेको छ । सभाले उपाध्यक्षमा, कमला बस्नेत र चतुर्भुज खरेल सचिबमा प्रेम सापकोटा, सहसचिवमा बिष्णु काफ्ले,कोषाध्यक्षमा रमेस मरासैनि लाइ चयन गरेको हो । सभाले समितिको सदस्यहरुमा नवराज खराल, दिगविजय अर्याल, मुस्कान पाण्डे, सुबोध थापा, कृष्ण खरेल, बिष्णु भुसाल, युबराज भण्डारी र बिष्णु घिमिरे सर्बसम्मत निवौचित भएको जनाएको छ । कार्यक्रको बिशेष आकर्षणको रुपमा गायिका एबम चर्तित उद्घोषिका मन्जु पौडेलको उपस्थिति थियो । नब निर्बा्चित अध्यक्ष श्याम के सीले बिगतमा जस्तै सबैबाट सहयोगको निरन्तरता हुने बिश्वास लिदै सबै संग हातेमालो गर्दै अगाडी बढ्ने बताए ।गुल्मी जिल्लाबाट अष्ट्रेलिया रहेका गुल्मेलीहरुले गुल्मी समाज अष्ट्रेलिया खोली सामाजिक कार्य समेत गर्दै आएका छन् । समाजले गुल्मीबाट अष्ट्रेलियामा रहेका नेपाली समुदायका सदस्यहरुको ठुलो उपस्थिति थियो ।

कार्यक्रममा सहभागीले नब निर्बा्चित कार्यसमितिलाई बधाई दिनुका साथै कार्यसफलताको शुभकामान दिएका थिए । नब निर्वाचित कार्यसमितिलाई निबर्तमान अध्यक्ष भिम खरेलले पद तथा गोपिनियताको सपथ ग्रहण गराएका थिए ।