जिल्ला प्रहरी कार्यालय तम्घास गुल्मीमा गुनासो संकलन

साझा नेटवर्क, गुल्मी पुष ३।
ट्रान्सपरेन्सी इन्टरनेशनल नेपालमा आवद्ध संस्था सुशासन अभियान गुल्मी मार्फत सञ्चालित एलाक आउटरिच कार्यक्रम अन्तर्गत आज गुनासो संकलन कार्यक्रम सम्पन्न गरिएको छ ।

जिल्ला प्रहरी कार्यालय तम्घास गुल्मीको परिसरमा गुनासो डेस्क राखी उक्त कार्यालयले प्रदान गर्ने सेवा सम्बन्धमा सेवाग्राहीको गुनासो संकलन गरिएको हो ।

उक्त कार्यक्रममा सेवाग्राहीबाट प्राप्त गुनासो तथा सुझावहरुका बारेमा सम्वन्धित सेवाप्रदायकसंग बसेर समस्या समाधानका उपायबारे छलफल गरिने भनी संस्थाका अध्यक्ष श्यामकुमार पण्डेयले बताउनुभयो ।

उक्त कार्यक्रम संस्थाका अध्यक्ष श्यामकुमार पाण्डेय, सह–सचिव विनोद पाण्डेय, र कार्यक्रम सहायक अञ्जना अधिकारीको उपस्थितमा सम्पन्न भएको थियो ।