ग्वालीचौर श्रोत केन्द्रको नियमित वैठक सम्पन्न

कमल पौडेल, बागलुङ (खर्वाङ) असोज २९ ।
ग्वालीचौर श्रोत केन्द्रको नियमित वैठक आज भानुमावि ग्वालीचौरमा सम्पन्न भएको छ। ग्वालीचौर श्रोत केन्द्र भित्रका प्रधानाध्यापकहरुको सहभागिता रहेको वैठकले नयाँ श्रोतव्याक्ति चिरन्जीवि पौड्याललाई स्वागत गरेको छ ।

श्रोत व्याक्ति सोमनाथ पौडेलको सेवा वाट अनिवार्य अवकाश भएपछि ग्वालीचौर श्रोत केन्द्रको श्रोत व्याक्तिको रुपमा चिरन्जीवि पौड्याल आउनुभएको हो। वैठकले आर्थिक वर्ष २०७५/७५ को लागी भौतिक विस्तार योजनाको प्राथमिकिकरण गरेको छ ।

जसअन्तर्गत चारकोठे भवन तर्फ लौंगा मावि वडिगाड ४ जलजला, २ कोठे भवन तर्फ चण्डीथान प्रावि, बडिगाड २ दनिया, शौचालय तर्फ खड्कदेवि मावि बडिगाड १ तुन्डाडा, र मर्मत तर्फ देउराली प्रावि वडिगाड ५ ग्वालीचौरलाई पहिलो प्राथमिकतामा राखेको छ।

वैठकमा सवै विद्यालयका प्रधानाध्यापकहरुले मौखिक प्रतिवेदन प्रस्तुत गर्नुभएको थियो। वैठक श्रोत व्याक्ति चिरन्जीवि पौड्यालको अध्यक्षता तथा त्रिभुवन माविका प्रधानाध्यापक ढालमणि भण्डारीको संचालनमा सम्पन्न भएको थियो।