गाउँ गाउँमा निर्वाचन केन्द्रित कार्यक्रम गर्न नेता सागरको आग्रह

विमल खड्का, बागलुङ पुष २७ ।
नेकपा माओवादी केन्द्रको एरिया नम्बर–२, प्रश्तावित ढोरपाटन नगरपालिकाको भेला तथा प्रशिक्षण कार्यक्रम भएको छ । कार्यक्रममा बोल्दै नेकपा माओवादी केन्द्रका पोलिटब्युरो सदस्य तथा जिल्ला संयोजक चन्द्रबहादुर बुढा सागरले अहिले नेपालको राष्ट्रिय राजनितिको मुलधारमा स्थापित मुद्धा माओवादी पार्टिको भएको बताउनुभएको छ ।

उहाँले नेतृत्वमा पछि परेका पहिला, दलित तथा जनजातीलाई राष्ट्रिय राजनितिको केन्द्रमा पु¥याउन आरक्षणको मुद्धा माओवादीले नै स्थापित गरेको भन्दै महिला राष्ट्रपति देखि राज्यका रहेक निकायमा पछाडि परेको समुदाय आउनु सुखद् कुरा भएको बताउनुभयो । उहाँले परिबर्तनका मुद्धाहरु माओवादीले उठान गरेको कुरा सम्पुर्ण नागरिकलाई बुझाउँदै निर्वाचन केन्द्रित योजना सहित टोलटोलमा पुग्न नेता तथा कार्यकतालाई आग्रह गर्नुभएको छ ।

राष्ट्रिय महाधिबेशन आयोजक समिति सदस्य तथा पश्चिम कमाण्ड ईन्चार्ज ज्ञामनाथ गैरे अनिल, माहाधिबेशन आयोजक समिति सदस्यहरु प्रकाश घर्ती, राजिब घिमिर, चन्द्रबहादुर थापा शिखर, अखिल नेपाल महिला संगठनका केन्द्रिय सचिव भविकला रोका, वाईसिएल जिल्ला संयोजक नरेश केसी र दलित मुक्तिमोर्चाका केन्द्रि सदस्य कुविर विश्वकर्माले आफ्नो धारण सहितको प्रशिक्षण मन्तब्य राख्नुभएको थियो ।

कार्यक्रममा एकीकृत अखिल नेपाल शिक्षक संगठन बागलुङका उपाध्यक्ष नगेन्द्र खरेलले पार्टि केन्द्रिय समिति र जिल्ला समितिको परिपत्र बाचन गरेर सुनाउनु भएको थियो । बैठकले २ नम्बर एरिया अन्तरगतका गाविसमा सम्मेलन गर्नका लागि संयोजक तोकेको एरिया ईन्चार्ज राजेन्द्र कुँवरले जानकारी दिनुभयो । बुर्तिबाङ गाविसको संयोजकमा वीरबहादुर घर्ती, राजकुतको संयोजकमा कृष्ण पुन, अधिकारीचौरको संयोजकमा नरबहादुर विश्वकर्मा र बोबाङकोे संयोजकमा लिङ्कन घर्ती तथा सह-संयोजकमा होमलाल भुषाललाई जिम्मेवारी तोकेको छ ।

खुङ्गाको संयोजक भने पछि तोकिने माओवादीले जनाएको छ । एरिया भित्र विभिन्न जनबर्गिय संगठनको पनि संयोजक तोकिएको छ । महिलाको जिम्मेवारी कमाला अर्याल, दलितको लोकबहादुर विक, युवाको रेशम पुन, मगरको लिङ्कन घर्ती र शिक्षकको जिम्मेवारी नगेन्द्र खरेललाई दिर्ईको छ ।

कार्यक्रम एरिया ईन्चार्ज राजेन्द्र कुँवरको अध्यक्षता, संयोजक भिम गौतमको स्वागत र सह-ईन्चार्ज चन्द्र अर्यालको सञ्चालनमा सम्पन्न भएको थियो । कार्यक्रम भोली माओवादीको एरिया नम्बर–१ मा पर्ने प्रश्तावित निसीखोला गाउँपालिकाको बोहरा गाउँमा हुने माओवादीले जनाएको छ ।