पश्चिमाञ्चल स्तरिय व्याटमिन्टन प्रतियोगीतामा १६ जिल्लाका ९० खेलाडी सहभागी हुदै

टोपलाल अर्याल, गुल्मी  मंसिर २२।
पश्चिमाञ्चल स्तरिय व्याटमिन्टन प्रतियोगीता गुल्मीमा हुने भएको छ । सातौ खेलकुद प्रतियोगीताको छनोट खेल मंसिर २३ गतेबाट २७ गते सम्म गुल्मीममा सम्पन्न हुँदैछ । जिल्ला खेलकुद विकास समितिको कार्यालयमा आयोजित पत्रकार सम्मेलनमा प्रतियोगीताको सम्पुर्ण तयारी पुरा भएको जानकारी गराइएको थियो ।प्रतियोगीताको उद्घाटन पश्चिमाञ्चल क्षेत्रिय खेलकुद विकास समितिका अध्यक्ष खगराज पौडेलले गर्ने कार्यक्रम तय भएको जिल्ला खेलकुद विकास समिति गुल्मीका अध्यक्ष कृष्ण भण्डारीले जानकारी दिनुभयो । उहाँले इतिहासमै पहिलो पटक ठुलो प्रतियोगिता जिल्लामा गर्न लागिएकाले सवैलाई सहयोग गर्न आग्रह गर्नुभयो । १६ जिल्लाका खेलाडी आफ्नो जिल्लामा ल्याउन पाउनु सुखद पक्ष भएकाले उनीहरुलाई रेसुंगा सम्म पुरान समेत समन्वयकारी भुमिका निर्बाह गर्ने भण्डारीले बताउनुभयो ।

प्रतियोगीतामा १६ जिल्लाका ९० जना खेलाडी सहभागी हुँदैछन् । ५ दिन सम्म संचालन हुने प्रतियोगिता जिल्ला खेलकुद विकास समितिको कर्भड हल र फिल्महलमा रहेको कर्भडहल गरि दुई स्थानमा हुने जिल्ला व्याटमिन्टन संघका अध्यक्ष भरत भलामीले बताउनुभयो । उहाँले अहिले केहि प्राविधिक खेलाडीलाई जिल्ला भित्राउने र व्यावस्थापन गर्ने कार्य भैरहेको बताउनुभयो । व्याटमिन्टनमा जिल्लाबाट २ जना महिला र ४ जना पुरुष सहभागी हुँदैछन् । प्रतियोगीता र खेलाडीलाई म¥यादित बनाउ जिल्ला प्रहरी कार्यालयलाई सुरक्षाको लागि आग्रह गरिएको खेलकुद विकास समिति गुल्मीका अध्यक्ष भण्डारीले जानकारी दिनुभयो ।

प्रतियोगीता पश्चिमाञ्चल क्षेत्रिय खेलकुद विकास समितिको आयोजना र जिल्ला खेलकुद विकास समिति गुल्मीको सयोजनमा सम्पन्न हुँदैछ । खेल बिहिबार बिहान ११ बजेबाट शुरु हँदैछ । त्यस्तै सातौ राष्ट्रिय खेलकुद प्रतियोगीताका लागी देशमा विभिन्न ठाउँमा भएका छनोट खेलमा भागलिन जिल्लाका झण्डै २ सय ५० खेलाडी जिल्ला बाहिर रहेको खेलकुद विकास समिति गुल्मीका सदस्य मनोज काउछाले जानकारी दिनुभयो ।

पोखरामा जारी डिक्स थ्रोमा केशव कुमालले गोल्ड मेडल पाएका छन् । १५ सय र ८ सय मिटर दौडमा रोहित अधिकारी उत्कृष्ट भएका छन् । ५ हजार मिटर दौडमा सिता सेन द्धतिय भएकी छन् । ८ सम मिटर महिला दौडमा गिता विक पनि उत्कृष्ट भइन ।

तनहुँमा जारी ४६ केजी र ५६ केजी तेक्वान्दोमा क्रमश दिपा पुन र सपना सारु तृतिय भएको काउछाले जानकारी दिनुभयो ।पोखरामामै जारी क्रिकेट र बक्सीङ्ग प्रतियोगीतामा गुल्मी सेमिफाइनमा प्रवेश गरेको छ ।