पाल्पा दुर्घटनामा ज्यान गुमाएका कार्कीको भोली अन्तिम संस्कार गरिने

अनिश शर्मा गैरे, गुल्मी मङ्सिर ९।
बुधबार पाल्पामा भएको सडक दुर्घटनामा ज्यान गुमाउनुभएका गुल्मी वामीका बसन्त कार्कीको शब आज उहाँको निवासमा ल्याएको छ । करिब २४ घण्टाको अवधिमा बेलुकी पौने सात बजे उहाँको निवास वामी बसपार्कमा ल्याएको हो । उहाँको भोली शास्त्रिय बिधि अनुसार अन्तिम संस्कार गरिने भएको छ ।
भोली बिहान सात बजे वामी ९ सुदी वारी पटिट अन्तिम संस्कारको लागि प्रस्थान गरिने बताइएको छ । उहाँको शव ल्याइए पछि वामी तथा आसपासका स्थानीयहरुले उहाँप्रति समबेदना ब्यक्त गरेका छन । बसपार्कमा उपस्थित सयौको संख्यामा रहेका स्थानीयहरुले उहाँको मृतात्माको चिर शान्ति र बैकुण्ठ बासको कामना गरेको हुन ।

उपस्थित हरुको अनुहार पढ्दा सबैका अनुहारको रँग उडेको देखिन्थ्यो । सबैका आँखा आशुले अनि मन पिडाले भरिएका थिए । स्व. बसन्त कार्कीको शवमा नकपा माओबादी केन्द्रको झण्डा ओढाइएको थियो । उहाँ नेकपा माओबादी केन्द्र जिल्ला सदस्य तथा इलाका नम्बर ९का संयोजक पनि हुनुहुन्छ ।

उहाँको मृत्युमा आफुहरु निकै शोकाकुल भएको एकिकृत अखिल नेपाल शिक्षक संगठन का केन्द्रिय सदस्य गुल्मी जिल्ला इन्चार्ज रामकृष्ण कंडेलले बताउनुभयो । त्यसेगरी नेकपा माओबादी गुल्मीका जनसरकार प्रमुख गोबिन्द बिश्वकर्मा आकाशले पनि उहाँको निधनले आफुहरुलाइ सहनै गाह्रो भएको कुरा बताउनुभयो ।

स्व. कार्की, रुद्राबति बहुमुखी क्याम्पस वामीका सञ्चालक समितिका सदस्य, महेन्द्र आदर्श उमाबि वामीका शिक्षक अभिभाबहक संघका अध्यक्ष लगायत अन्य धेरै संस्थाहरुमा आबद्ध हुनुहुन्थ्यो । उहाँको निधनले वामी साच्ची नै शोकमा डुवेको छ ।

यसैबिच उक्त दुर्घटनामा परेर गम्भीर घाइते हुनुभएको महेन्द्र आदर्श उमाबि वामीका प्राचार्य भिमलाल सापकोटाको पनि स्वास्थ्य स्थितीमा सुधार भएको समाचार प्राप्त भएको छ । उहाँको अहिले काठमाण्डौमा उपचार भइरहेको छ ।