मेलामा एउटा वेग्लै दृश्य

प्रेम सुनार गुल्मी , कार्तिक २९  ।
अनेक महँङ्गा महँगा फेशन ,प्राय सवैका हातमा दश हजार भन्दा बढि मुल्यका मोवाईल सेट ,कोही मोटाघाटा र खानदानीहरुको विचमा एउटा बृद्धको टिठ लाग्दो दृश्य देखिन्थ्यो गुल्मी दर्लिङ्गको भव्य एकादशी मेलामा ।दुव्लो शरिर , कलेटी परेका ओठ , फुलेको शिरमा घेरो गएको टोपी , साँझ सम्म चिसो बढ्दै थियो । अरुले खोलेको कोट र जाकेट जाडो भएर भिर्दै थिए । उनका शरिमा पातला कपडाहरु थिए । ति पनि आफैका नभएर कसैबाट दिईएका जस्ता देखिन्थे । दर्शक दिर्घमा बसेका ठुलाबाडाहरुको अगाडी टुक्रक्क भुईमा खाली खुट्टा वसेका उनलाई पक्कै ति दलित समुदायका वृद्ध होलान भनेर अनुमान गर्न सकिन्थ्यो ।उनको तस्वीर क्लिक्क पारेर खिच्न वित्तिकै स्थानिय संग जिज्ञाषा राख्दा नभन्दै उनि दलित नै रहेछन् । दर्लिङ्ग ६ का उनि खड्गबहादुर परियार रहेछन् । ७० को नेटो काटेका उनले बैश उमेर छउञ्जेल कपडा सिलाउने देखि वाजा बजाएर उनले रमाईलो दिए । अहिले उनलाई अरुले गरेको रमाईलो अभाव भई रहेको छ । बृद्ध भए पनि बैश उमेरका जस्तै बढो रोमाञ्चित हुँदै रमाईलो नियाली रहेका थिए । उनका पाँच भाई छाृेरा र श्रीमति छोरीहरु समेत रहेको स्थानियले बताए । जन्मे हुर्के देखि आफ्नो पेशा संगै मजदुरी समेत गरेका उनको जस्तै हविगत बुढेशकालमा ग्रामिण भेगका दलितहरुको रहेको छ ।