चलचित्र “लालजोडी” पहिलो दिनमै राम्रो व्यापार गर्न सफल

काठमाडौँ, भदौ १७।
नक्कली बावुराम भट्टराई ज्योती काफ्लेद्धारा अभिनित एवं संचारकर्मी लक्ष्मण सुवेदीले निर्देशन तथा निर्माण गरेको चलचित्र ‘लालजोडी आजबाट देशभर प्रदर्शनमा आएको छ । लचित्रको विशेष शो काठमाण्डौको सिटि सेन्टरको वीग मुभिजमा आयोजना गरिएको थियो ।

उक्त शो मा चलचित्रका कलाकार,निर्देशक एवम थुप्रै पत्रकारहरुको उपस्थिति रहेको थियो । चलचित्र हेर्दै जाँदा निर्देशक सुवेदीले चलचित्रको कमेडी पाटोलाई बढी ध्यान दिएको बुझिन आउँदछ । यसका साथै उनले चलचित्रमा हाल्नु पर्ने अन्य मसला पनि छुटाएका छैनन । चलचित्रलाई हाँसो र रोदनको समिश्रण बनाएका छन् सुवेदीले । चलचित्रका मुख्य कलाकार ज्योती काफ्लेको अभिनय र उनको संवादले दर्शकलाई धेरै पटक हँसाउछ भने बेलाबेलामा रुवाउने समेत काम गर्दछ ।

बर्षौं अदालतमा मुद्दा अड्किनुको कारण एउटा मानिसले जीवनमा कति दुख झेल्नुपर्छ भन्ने यथार्थ कथालाई चलचित्रले देखाएको छ । तर, बिषय यसलाई उठाएता पनि अदालती प्रक्रियामा भन्दा पनि पारिवारिक बिषयलाई सुवेदीले बढी महत्व दिएका छन् । चलचित्रको मुख्य हतियार यसको संवाद पक्ष नै हो । यसको संवाद पक्ष एकदमै सवल छ । चलचित्रका गीतहरु तीनवटै एकदमै राम्रा बनेका छन् । साथमा कलाकार ज्योती काफ्ले र नव–नायिका आयुष्मा कार्कीको अभिनयले पनि दर्शक वाध्न सफल भएको छ ।

चलचित्रको प्रदर्शन अगाडि ‘लोत हसाँउछ ग्वाँ ग्वाँ रुवाउँछ’ भन्दै यसको प्रचार गरिएको थियो । वास्तवमा प्रचार गरिएजस्तै हँसाउने रुवाउने चलचित्र बनेको छ चलचित्र लालजोडी । प्रेममा परेर झुट बोलेर बिहे गर्नु र यथार्थमा अभावै अभावले झेल्नु परेको महिलाको कथा प्रस्तुत छ यसमा । त्यसमा पनि मदिरा अत्याधिक सेवन गर्ने श्रीमान् र त्यसले दिक्क भएकी श्रीमतीको कथा हो ‘लालजोडी’ ।

दर्शकहरुलाई अढाइ घन्टा बोरिङ नहुने गरी मनोरञ्जन दिने चलचित्र बनेको छ ।लालजोडी रिलिज भएको पहिलो दिनमै हलहरुमा खचाखच भएको र चलचित्रले राम्रो व्यापार गरेको चलचित्रका निर्माता एवम निर्देशक लक्ष्मण सुवेदीले बताएका छन् । नेपालपाटि