“सोह्र दुना आठ” रेसुङ्गा टेलिभिजनबाट प्रशारण हुदै

प्रेम सुनार, गुल्मी भदौ १३।
केहि महिना अघि सम्म बुटवलको बुद्ध टेलिभिजनबाट प्रशारण भएको चर्चित हाँस्य ब्याङ्गात्मक टेलि श्रृंखला सोह दुना आठ अव गुल्मीको पहिलो र एक मात्र रेसुङ्गा टेलिभिजनबाट पनि प्रशारण हुने भएको छ ।

गुल्मी सुभद्र फिल्मस प्रालिको व्यानरमा गुल्मीकै सञ्चारकर्मी राज भण्डारी र आदित्य भण्डारीले निर्माण गर्न लागेका हुन् । वुटवलमा ५० औं श्रृंखला प्रशारण गरेका यस टेलिभिजका स्टेशन म्यानेजर गिरिप्रसाद भुसालको लेखन निर्देशन र सम्पादनमा प्रशारण हुन लागेको टेलि श्रृंखला सोह्र दुना आठ सामाजिक विकृति विसंगति र अनियमित्ता भ्रष्टचार विरुद्ध व्याङ्ग प्रहार गर्ने कार्यक्रम हो ।

वुटवलमा युनिक मुभिजको व्यानरमा दिनेश भुसाल र सागर पाठकले निर्माण गर्ने गरेको टेलि श्रृंंखला सोह्र दुना आठलाई अव थप सशक्त बनाईने सुभद्र फिल्मस् प्रालिका प्रवन्ध निर्देशक सुमन पाण्डेले जानकारी दिए । उनले दिएको जानकारी अनुसार उक्त कार्यक्रम यसै हप्ता देखि हरेक शनिवार साँझ साढे सात वजे प्रशारण हुने छ । आजै पल्लीकोटमा यस कार्यक्रमको शुभ मुहर्त गरिएको निर्माता राज भण्डारीले बताए ।