विविध साँस्कृतिक कार्यक्रमका लागि कलाकार कतार आइपुगे

कुमार “अविरल” पन्थी, कतार ।
नमस्ते नेपाल भवन निर्माण सहयोगार्थ कतारमा नमस्ते नेपाल हातेमालो सामाजिक संस्थाले आयोजना गरेको विविध साँस्कृतिक कार्यक्रमका लागि राष्ट्रिय तथा अन्तर्राष्ट्रिय कलाकारहरु कतार आइपुगेका छन । नेपालबाट लोक पप, आधुनिक तथा चलचित्रकी गायिका रिता केसी र दुवईबाट लोक तथा दोहोरी गायक गोपीकृष्ण पंगेनी कतार आइपुगेका हुन ।

“मनोरन्जन, परोपकार, लगानीको पहिचान, नमस्ते नेपाल हातेमालो सामाजिक संस्थाको पहिचान” भन्ने नाराका साथ कतारमा स्थापित भएर सक्रिय रहेको अन्तर्राष्ट्रिय संस्थाको यो सास्कृतिक कार्यक्रम पहिलो प्रस्तुति हो । विभिन्न मुलुकमा छरिएर रहेका प्रवासी नेपालीहरुको नेतृत्वमा सन्चालित संस्थाले आफ्नो भवन निर्माण गरी कार्यालय संचालन गर्नका लागि कतारमा नमस्ते नेपाल भवन निर्माणार्थ साँगितिक कार्यक्रमको आयोजना गरेको हो ।

कार्यक्रममा लोक पप, आधुनिक तथा चलचित्रकी गायिका रिता केसी र लोक तथा दोहोरी गायक गोपीकृष्ण पँगेनीको धमाकेदार प्रस्तुतीहरु रहनेछन । सोही कार्यक्रममा कतारमा रहेका स्थानीय कलाकारहरुका पनि बिभिन्न प्रस्तुतीहरु रहने छन । अगष्ट ५ तारीख शुक्रबारका दिन कतारको विन ओम्रान स्थित गार्डेन भिलेज रेष्टुरेन्टको सभाहलमा स्थानीय समय अनुसार अपरान्हको १ बजे देखि सुरु हुँने कार्यक्रममा प्रवेश निशुल्क गरिएको छ ।