बिनु र राजकुमारलाई किन भयो रात लामो…

कुमार “अविरल” पन्थी, काठमाडौँ  आषाढ ३०।
हिन्दु नारीहरुको महान पर्व हरितालिका तिज आउन करिब दुई महिना बाँकी रहदा कलाकारहरुलाई भने तिजको चटारोले छोइसकेको छ। कलाकारहरु यतिबेला तिजका गित गाउन र म्युजिक भिडियो बनाउनमा व्यस्त देखिन्छन।

कलाकारहरुले आफ्ना दर्शक श्रोताहरुलाई भिन्न भिन्न किसिमका तिज गितहरु बजारमा निकाली रहेका छन । पछिल्लो समय तिजका गितहरु अलिक भिन्न तथा उताउला दुरुस्तै रतौली जस्ता आउन लागेका छन । बजारमा छोटो समयमा चर्चा पाउने तरिकाबाट बनाईएका गितहरु प्रसस्त भेटिन्छन ।

आशिष म्युजिक प्रा.लि.को प्रस्तुतिमा गायक राजकुमार बस्नेतको एकदमै  फरक खालको  तिज गित “मकैको बोट भन्दा पनि पात लामो” बजारमा आएको छ। बस्नेतको उक्त गित युटुब मार्फत सार्वजनिक गरिएको छ ।

संगितमा रुची राख्ने बस्नेतको यो पहिलो एल्बम हो । मकैको बोट भन्दा पनि पात लामो तिज गीतमा  बस्नेत र लोक तथा दोहिरी गायिका बिनु तमाङको स्वर रहेको छ । रबिन्द्र कसम लोहोनिको शब्द तथा गायक चन्द्रमान तामाङले लय सृजना गरेका छन।

बब्बु थापाको निर्देशन रहेको म्युजिक भिडियोमा चर्चित मोडल ओबी रायमाझी र रन्जिता गुरुङले अभिनय गरेका छन । भिडियोलाई दुर्गा पौडेलले छायाँकन तथा मिलन  वि.क.ले सम्पादन गरेका हुन ।

---

भिडियो हेर्नुहोस ।