गुल्मीमा नयाँ सिडियोद्धारा शसस्त्र प्रहरी वल गुल्मको अगुगमन

टोपलाल अर्याल, गुल्मी आषाढ २४।
सहसचिव स्तरको दरबन्दी सृजना भए पश्चात गुल्मी आएका प्रमुख जिल्ला अधिकारीको उदय बहादुर रानाले जिल्लामा रहेका सरकारी कार्यालयको अनुगमन सुरु गरेका छन् । पहिलो कार्यालयको रुपमा उनले सशस्त्र प्रहरी बल गुल्म गुल्मीलाई अनुगमन गरेका छन् ।

प्रमुख जिल्ला अधिकारी रानालाई गुल्मपति शसस्त्र प्रहरी नायव उपरिक्षक दिग बिजय सुवेदीले स्वागत गर्नुका साथै गुल्मले जिल्लाको शान्ति सुरक्षा र विपद् व्यवस्थापनमा गुराएको भुमिकाको बारेमा जानकारी गराएका थिए । साथै लामो समय देखि गुल्मले झेल्दै आएको खानेपानी समस्या, विपद् व्यावस्थापन सामाग्रीको अभाव लगायतका बारेमा पनि सुदेवीले जानकारी गराए ।

पछिल्लो समय जिल्लामा शसस्त्र प्रहरीले आगोलागी नियन्त्रण, दुर्घटना, बिपद्मा उद्धार साथै सरसफाई अभियानमा महत्वपुर्ण भुमिका निर्वाह गर्दै आएको छ । साथै पछिल्लो समय गुल्मले जनतासंग शसस्त्र प्रहरी भन्ने नयाँ सामाजिक कामको पनि थालनी गरेको गुल्मपति सुवेदीले जानकारी दिए । सोहि अभियान अन्तरगत गुल्मपतिको नेतृत्वमा गएको १५ जनाको टोलीले रेसुंगा नपा ७ कुडापानीको अर्जुन प्राथमिक बिद्यालयमा श्रमदान गरेका छन् ।

निर्माणाधिन भवनको निर्माण कार्यमा टोलीले बिहान १० बजेबाट बेलुका ५ बजे सम्म ५ कोठे भवनको माटो हटाउने, ढुङ्गा फुटाउने तथा जग राख्ने काम गरी श्रमदान गरेका थिए ।