गुणस्तर तथा नापतौल विभाग द्धारा व्यापारीहरुका ढक तराजु चेकजाँच तथा प्रमाणिकरण

टोपलाल अर्याल, गुल्मी आषाढ ०७।
गुणस्तर तथा नापतौल विभाग क्षेत्रिय कार्यालय वुटवलले सदरमुकाम तम्घासका व्यापारीहरुका ढक तराजु चेकजाँच तथा प्रमाणित अभियान शुरु गरेको छ ।गुल्मी उद्योग बाणिज्य संघको कार्यालयमा गत ५ गते देखि जारी अभियानमा तम्घासका व्यापारीहरुका ढक, तराजु, लिटर, मिटर र डिजिटल काँटा चेकजाँच तथा प्रमाणित गर्ने काम शुरु भएको कार्यालयका सहायक निरिक्षक हरि भवन त्रिपाठीले जानकारी दिनुभयो।

निममित अनुगमम अन्तरगत ३ दिनमा १ सय १२ जना व्यापारीको नापतौल गर्ने समाग्रीमा टाँचा लगाइएको निरिक्षक त्रिपाठीले बताउनुभयो । एक हप्ते कार्यक्रम अन्तरगत ५ देखि ९ गते सम्म तम्घासमा, ९ गते बलेटक्सार र १०  गते रिडीमा यो अभियान संचालन गरिने गुल्मी उद्योग बाणिज्य संघका महासचिव तारा भुसालले जानकारी दिनुभयो ।

त्यसको लागी ४ जनाको टोली वुटवलबाट आएको छ । महासचिव भुसालका अनुसार व्यापारीहरुलाई प्रमाणित गर्न वुटवल जान नपर्ने, ग्राहक नठगीने तथा राजस्व संकलन बढि हुने भएकाले जिल्लाका विभिन्न बजारमा संचालन गरिने यसे अभियान प्रभावकारी हुने बताउनुभयो । उहाँले यस अघिको अभियानमा भन्दा यसपाली पाँच गुणाले राजस्व संकलन भएको बताउनुभयो ।