महिला शशक्तिकरण तथा क्षमता अभिबृद्धि तालिम सम्पन्न

टोपलाल अर्याल, गुल्मी जेष्ठ २६ ।
गुल्मीको इस्मा रजस्थलमा २ दिने महिला शसत्तीकरण तथा क्षमता अभिबृद्धि तालिम सम्पन्न भएको छ । गाविसको लक्षित समुह कार्यक्रम अन्तरगत करिव ५० जना महिलाले, महिला हिंसा, लैङगिक हिंसा, मानव अधिकार, तथा नेतृत्व तथा क्षमता अभिवृद्धि लगायतका बारेमा जानकारी गराइएको थियो ।

गाविसमा जाने बजेटमा महिलाहरुको स्थितीको बारेमा समेत जानकारी गराइएको थियो । तालिममा उत्पीडित समुदाय उत्थान केन्द्रकी कार्यक्रम संयोजक जानकी ज्ञवाली, इन्सेक प्रतिनिधी टोपलाल अर्याल, सामाजिक परिचालक राधा खनाल लगायतले तालिममा प्रशिक्षकको भुमिका निर्वाह गर्नुभएको थियो ।

तालिममा स्थानीय आमा समुहका प्रतिनिधी, वडा नागरिक मन्चका प्रतिनिधी लगायतको सहभागीता रहेको थियो । कार्यक्रमको अन्तिम दिन बुधबार स्थानीय राजनीतिक दल, समाजसेवी लगायतको सहभागीता रहेको थियो ।