एकल महिला जिल्ला कार्य समितिको आयोजनामा बृहत अन्तरक्रिया सम्पन्न

टोपलाल अर्याल, गुल्मी जेठ २२।
मानव अधिकारका लागी महिला एकल महिला जिल्ला कार्य समितिको आयोजनामा बृहत अन्तरक्रिया तथा समुह बिस्तार कार्यक्रम तुराङ्ग गाविसको मजुवामा सम्पन्न भएको छ ।

आपँचौर, तुराङ्ग र रुपाकोट गाविसका एकल महिला, राजनितिक दल, समाजसेवी लगायतको सहभागीता रहेको कार्यक्रममा संस्थाको कार्यक्षेत्र, सुरक्षा कोष, स्थानीय स्रोत साधनमा पहुँच र सामाजिक सुरक्षा भत्ताको बारेमा छलफल गरिएको थियो । कार्यक्रम संस्थाकी अध्यक्ष मिना पन्तको अध्यक्षता, तुराङ्ग गाविस सचिव लोकनाथ पोख्रेलको प्रमुख आतिथ्यता, एवं ज्ञानोदय माविको शिक्षिका रुपा गौतमको संचालनमा सम्पन्न भएको थियो ।

कार्यक्रममा संस्थाको जिल्ला सदस्य अमृता थापाले कायृक्रमको उदेश्य माथी प्रकाश पार्नुभउको थियो । त्यस्तै तुराङ्ग गाविसमा कमला अर्यालको अध्यक्षतामा १३ सदस्य रहेको मानव अधिकारका लागी महिला एकल महिला समुह गठन गरिएको छ ।

रुपाकोट गाविसमा पनि जानकी ज्ञवालीको अध्यक्षतामा १७ सदस्य रहेको मानव अधिकारका लागी महिला एकल महिला समुह गठन गरिएको छ ।