गुल्मीमा कांग्रेस निकट कर्मचारी पहिलो शक्ती

प्रेम सुनार, गुल्मी जेठ २०।
नेपाल निजामती कमचारीहरुको आधिकारीक ट्रेड युनियनको आज भएको निर्वाचनको मत परिणामले नेपाली काँग्रेस निकट कर्मचारीहरु पहिलो शक्तीका रुपमा देखा परेका छन् ।

प्रमुख निर्वाचन अधिकृत कैलास केसीले दिएको जानकारी अनुसार नम्वर १ चुनाव चिन्हमा परेको नेकपा एमाले निकट जिमामती कर्मचारी संगठनले १ सय ७६ मत अर्थात ३८.५१ प्रतिशत ल्यार दोश्रो स्थानमा परेको छ । त्यस्तै नम्वर २ मा रहेको नपाली कांग्रेस निकट नेपाल निजामती कर्मचारी युनियन (संघ) ले २ सय ५५ मत अर्थात ५५.७९ प्रतिशत ल्याएर पहिलो स्थानमा रहेको छ ।

३ नम्वरमा रहेको नेकपा माओवादी केन्द्र निकट नेपाल राष्ट्रय कर्मचारी संगठन १७ मत अर्थात ३ . प्रतिशत ५९ प्रतिशत ल्याएको छ । चौथो नम्वरमा परेको निजामती मधेसी कर्मचारीले १ मत प्राप्त गरेका छन् । ५ नम्वरमा परेकोले ९ मत ल्याएका छन् ।

कुल ४ सय ९२ मतदाता संख्यामा खसेको सदर मत ४ सय ५७ रहेको र २२ मत वदर रहेको प्रमुख निर्वाचन अधिकृत कैलाश केसीले जानकारी दिए । उनले विहान ९ बजे देखि सुरु भएको मतदान साँझ ५ वजे सकिएको र त्यस लगत्तै मतगणना साढे सात वजे सकिएको बताए ।

निर्वाचन एकदमै मर्यादित र शौहार्दपुर्ण वातवरणमा सम्पन्न भएको उनको दावि रहेको छ । यो परिणामबाट कांग्रेस निकट कर्मचारीहरुले स्वतः अध्यक्ष पद र कोषाध्यक्ष पाउने छन् । नेकपा एमाले निकट कर्मचारीहरुले उपाध्यक्ष र तेश्रो हुने माओवादी केन्द्रका कर्मचारीहरुले सचिव पद र चौथोले सह सचिव पाउने भएका छन् ।