भूकम्प पीडितलाई सहयोग गरेकोमा जापान सरकारलाई धन्यवाद

संगिता कुवँर, टोकियो जेष्ठ १६ ।
गत वैशाख १२ गते गएको विनाशकारी भूकम्प पीडितको सहयोगार्थ आर्थिक एवम अन्य सहयोग उपलब्ध गराउने जापान सरकार र जापानी नागरिकहरुलाई धन्यवाद दिन आरिगातो कार्यक्रम जापानमा भब्य रुपमा सम्पन्न भएको छ ।

आइतबार नेपाली राजदुताबास जापान, नेपाल पर्यटनबोर्ड एनआरएनए जापानको संयुक्त आयोजनामा सम्पन्न कार्यक्रममा जापानको मुख्य शहरहरु आरिगातो निहोन धन्यवाद जापान लेखिएका प्ले कार्ड र ब्यानरमा रंगिएका थिए । साथै नेपाल भ्रमणको निम्तो दिदै ३० हजार पोष्टकार्ड समेत बितरण गरिएको छ ।

टोकिएको सिबुया ,सिन्जुकु ,ईकेवुकुरो सहित ओसाका, फुकुओका, नागोया, निगाता, योकोहामा, सिजुओका, ओकिनावा, होक्काईदो, सेन्दाई, ईवाराकी, तोचिगी, निगाता लगायतका क्षेत्रमा ढाका टोपी र नेपाली मौलिक पहिचान झल्कने पहिरनमा सहभागि भएका नेपालीहरुले धन्यवाद सहित पोस्टकार्ड वितरण गरेका हुन्।

जापानले नागरिकलाई बिपद्को बेला गरेको सहयोगको लागि धन्यवाद भन्दै नेपाल घुम्नको लागि निमन्त्रणा पनि गरेका थिए । नेपाली पोशाकमा उपस्थित नेपालीको कार्यक्रममा जापानिज पनि रमाएका थिए ।

जापानका लागि कार्यबहाक राजदूत गेहेन्द्र राजभण्डारी , एनआरएन आई सी सी उपाध्यक्ष भवन भट्ट , एनआरएन जापानका अध्यक्ष शुदन थापा लगाएत कार्यक्रममा थुप्रै नेपालीको सहभागिता रहेको थियो ।