भोलि सिड्नीमा रहेका नेपालीलार्इ नचाउदै महत र भन्डारी

सिड्नी, अस्ट्रेलिया जेष्ठ १४ ।
शनिबार साँझ सिड्नीमा भब्य सांगितीक कार्यक्रमको आयोजना हुने भएको छ । जून कार्यक्रममा सहभागि हुन बरिष्ठ लोक गायक प्रेमराजा महत, लोक गायिका शान्ति भन्डारी र नायिका प्रियंका कार्की शुक्रबार सिड्नी उित्रएका छन ।

तनहुं समाजले आयोजना गर्ने यो कार्यक्रममा केही समयदेखि सिड्नीमा नै रहेका बरिष्ठ हांस्य कलाकार राजाराम पौडेलको पनि हांस्य प्रस्तुति समेटिएको छ । यतिखेर गायक गायिकाको गीत, नायिकाको नृत्य र हांस्य कलाकारको ठट्यौलीबाट मनोरन्जन लिन सिड्नीबासी नेपालीहरू प्रतिक्षारत देखिन्छन ।

दर्शकहरू मात्र होइनन् गायक महत र गायिका भन्डारी पनि निकै उत्साहित देखिएका छन । सिड्नीको ब्यस्त शहर टाउन हलमा रहेको वल्ड टावरको ७९ औं तलामा बसेर कुरा गर्दै २० बर्षदेखि अमेरिकामा बस्दै आएका महतले भने -अष्ट्रेलिया पहिलोपटक आएको छु ।

यहाँ रहनु भएका नेपालीहरूसँग भेट्न पाएकोमा खुशीको सिमा छैन-‘ । यता १२ बर्ष देखि अमेरिका बस्दै आएकी गायिका शान्ति भन्डारीले पनि धेरै देशमा गएर गीत गाइन तर अष्ट्रेलिया उनको लागि पनि पहिलो नै हो -‘ कस्तो होला र दर्शकहरूसँग कहिले भेटौं भन्ने लागिरहेको छ -‘ शान्तिले भनिन ।

आज पनि गायक महतलाई बांझो खेतमा र पानको पात गीतले नै चिन्छन भने यो आफ्नो पहिचान र लोगो भएको कुरा उनि स्बिकार्छन । २०४९ सालमा रेकर्ड भएको बांझो खेतमा गीत हिट भएपछी नेपाली चलचित्र माईलीमा पनि राखिएको थियो । एक हजारभन्दा बढी गीत गाईसकेका महतले लगभग ५ दर्जन एल्बम बजारमा ल्याए ।

उनि अहिले अमेरिकाका लागि नेपालको अबैतनिक महा बाणिज्य दूत पनि हुन । यता गायिका भन्डारीले भने गायन र मोडलिंग दुबैलाई अगाडि बढाईन । उनलाई बिशेस गरेर बनको काफल बनकै चरिलाई र लाठी चार्ज नगर मेरो मायामा गीतको मोडलको रूपमा दर्शकहरूले चिन्छन ।

जस्तो अबस्थामा रहेता पनि बिदेशी भूमिको ब्यस्त जीबनबाट समय निकालेर नेपालीहरूकै मनोरन्जनका लागि कलाकारहरूले आफ्नो तर्फबाट गर्ने गरेको योगदानको सिड्नीमा पनि गतिलै बहस चल्यो ।अनलाइनखबर