बागलुङको आधारभुत विधालयले विश्व बाल अधिकार दिवस मनायो

बिमल खड्का, बागलुङ मंसिर ६।
बागलुङ जिल्लाको बुर्तिबाङ गाबिस अन्तर्गत रहेको अर्नाकोट आधारभूत विद्यालय खलबाङ, बिद्यालयमा गठन भएको प्रगतिशिल बाल क्लबले पनि आज विश्व बाल दिवस मनाएको छ ।

कार्यक्रममा साना बालबालिका भावि देशका कर्णधार हुन् ,उनीहरुको पढ्न पाठन,पोषण, स्वास्थ्य,शिक्षा,मनोरञ्जन लगायत चौचर्फि विकास जस्ता कार्यक्रममा बिद्याथीलाई सहभागि बनाउनु पर्छ भन्ने सान्दर्भिक सन्देश सहित प्रभातफेरी कार्यक्रम गरि मनाईएको छ ।

कार्यक्रमका अवसरमा बाल अधिकारको संरक्षणको आधार भोलिको देश विकासको पुर्बाधार विषयमा बक्तृत्व कला प्रतियोगिता आयोजना गरिएको थियो । उक्त प्रतियोगितामा आधारभूत तहका १३ जना विद्यार्थी भागलिएका थिए।जस अन्र्तगत कक्षा ७ की सुनिता कुँवर प्रथम, कक्षा ८ की ढालमाया बुढा, द्धितीय र कक्षा ८ का सचिन दर्जी सान्त्वना भएका छन ।

कार्यक्रममा शिक्षकहरु मनिकला गौतम, टेकमाया बुढा र लिला खत्रीको सहजीकरण रहेको थियो भने कार्यक्रम प्रगतिशिल बाल क्लबकी अध्यक्ष ढालमाया बुढाको अध्यक्षता,बिद्यालयका प्रअ घन बहादुर महतको प्रमुख आतिथ्यता र बाल क्लबका सचिब तुफान महतको  सञ्चालनमा  कार्यक्रमको सम्पन्न भएको छ ।