गुल्मीको कुर्घा मालीका प्रचारप्रसारको लागि मालीका महोत्सव हुने

अनिश शर्मा गैरे, गुल्मी कार्तिक २०।
गुल्मीको कुर्घामा रहेको धार्मिक तथा पर्यटकिय स्थल मालीकाको प्रचारप्रसार एबम प्रबद्र्धनको लागि दोस्रो मालीका महोत्सब आयोजना गरिने भएको छ । यही कार्तिक २५ गतेदेखी २८ गते सम्म ४ दिन उक्त महोत्सब आयोजना गरिने बताइएको छ ।
महोत्सबमा बिभिन्न खेलकुद तथा सास्ँकृतिक कार्यक्रमहरु सञ्चालन हुने महोत्सब आयोजना गर्ने मुल समितिले जनाएको छ । आयोजकले दिएको जानकारी अनुसार प्रथम पुरस्कार ५१ हजार भएको भलिबल प्रतियोगीता आयोजना गरिएको छ जसमा ३१ हजार मेडल र प्रमाण पत्र द्धितिय पुरस्कारको रुपमा प्रदान गरिने छ ।
भलिबल प्रतियोगीताको प्रथम पुरस्कारलाइ कुर्घाका समाजसेवी खड्क बहादुर खड्काले प्रदान गर्ने हुनुभएको छ । त्यसैगरी द्धितिय पुरस्कार जीवन बिक, अनिल बिक तथा राजीन बिकले सौजन्य गर्नुभएको छ । महोत्सब भब्य र सभ्य रुपमा सम्पन्न गर्नको लागि आर्थिक संकलन अभियानलाइ समेत तिब्रता दिएको छ ।

महोत्सब द्धारा गुल्मीको शान मानिने कुर्घाको मालीकाको प्रचार प्रसार गर्नुलाइ मुख्य उद्धेश्य भएको समाजसेवी ज्ञानहरी सापकोटाले जानकारी दिनुभएको छ । महोत्सब पहिलो पटक गत बर्ष पनि आयोजना गरिएको थियो ।