गुल्मी वामिको एक पसलमा आगलागी, २५ लाख बराबरको क्षती

अनिश शर्मा गैरे, गुल्मी कार्तिक १८।
गुल्मीको वामीमा रहेको एक पसलमा आगलागी हुँदा करिब २५ लाख बराबरको क्षती भएको छ । वामी ३ टारमा रहेको टोपनारायण शाक्यको पसलमा आगलागी भएको हो ।

आगलागीबाट पसमा रहेका नगद, किराना तथा फेन्सीका सामानहरु जलेर नष्ट भएका छन । आगो बिद्युतको कारण टिभी पडकिएर लागेको परिवारले बताएको छ भने प्रहरी चौकी वामीले तिहारको समयमा बालीने धुपबत्तीको कारणले सल्केको हुन सक्ने भनेको थियो ।

आगो गएराती ११ बजेबाट शुरु भएको थियो भने स्थानीय, प्रहरी लगायतको सहभागीतामा राती करिब साढे १२ बजे नियन्त्रणमा आएको प्रहरी चौकी वामीले बताएको छ । अब आगलागी हुने समय आइरहेको हुनाले सबैमा सचेतना अपनाउन पनि प्रहरी चौकी वामीका प्रमुख भुवन यादबले आग्ह गर्नुभयो ।