मलेसियामा रीताले देखाइन धमाका, यसरी नाचे दर्शक

साझा नेटवर्क, कार्तिक १६।
नेपालमा तिहारको रमझम छोडेर तिहार विशेष कार्यक्रमका लागि मलेसिया पुगेकी चर्चित गायिका रिता के.सी.ले “परदेशी धमाका”मा धमाकेदार प्रस्तुतिहरुले उपस्थित दर्शकहरुलाई नचाएकी छन ।
दिपावलिको अबसरमा परदेशी रेस्टुरेन्टले पहिलो प्रस्तुति स्वरुप आयोजना गरेको “परदेशी धमका” भब्यताका साथ सम्पन्न भएको छ । कार्यक्रमका लागि नेपालबाट आएका कलाकार संगै रिताको मुख्य भुमिका भएको उपस्थित दर्शकले बताएका छन ।
परदेशी रेस्टुरेन्टको आयोजनामा भएको उक्त कार्यक्रममा रोजगारीको सिलसिलामा मलेसियामा रहदै आएका नेपालीहरुको बाक्लो र निकै उत्साहजनक उपस्थिति रहेको थियो ।
कार्यक्रमकै शिलशिलामा दोस्रो पटक मलेसिया पुगेकी चर्चित गायिका रिता के.सी.ले विभिन्न गीत संगीत प्रस्तुत गरेकि थिइन भने अन्य कलाकारहरुले देउसी भैलो भाका लोक दोहोरी, तथा अन्य गीतहरु प्रस्तुत गरेका थिए । स्थानीय कलाकारहरुको  प्रस्तुतिले पनि कार्यक्रमलाई अझै थप रौनकता थपेको थियो ।