नवपरासीमा लागुऔषध सहित ३ जना पक्राउ

सहबान अन्सारी, नवलपरासी भदौ ०९ ।
नवलपरासीमा लागुऔषध सहित ३ जना पक्राउ परेका छन । आईतवार साँझ सुनवल नगरपालिका वडा नं. ४ तुरिया स्थित पुर्व पश्चिम राजमार्ग सडक खण्डमा शंकस्पद अवस्थामा हिडिरहेका रुपन्देही बुटवल उपमाहानगर पालिका वडा नं. २ बस्ने २२ बर्षिय राजेन्द्र नेपाली र सोही ठाँउ बस्ने ३७ बर्षिय किसन नेपाली पक्राउ परेका हुन।

प्रहरीले रितपुर्वक खानतलासी गर्दा राजेन्द्र नेपालीले लगाएको कालो ट्याक (पाईन्ट्) को ईलाष्टिक भित्र अगाडीको भागमा २ यमयल को डाईजेपाम २३ एम्पुल, बुप्रिनुफिन २५ एम्पुल र फेनारगन २५ एम्पुल गरी जम्मा ७३ एम्पुल लागु औषध बरामद गरेको प्रहरीले जनाएको छ।

यसैगरि सोमवार बिहान रामग्राम नगरपालिका वडा नं. १ सहुवाटिकर स्थित सडक खण्डमा रुपन्देही, बुटवल उपमहानगरपालिका वडा नं. ११ बुद्धनगर बस्ने ३३ बर्षिय सुनिल परियारलाई शंकास्पद अवस्थामा प्रहरीले फेला पारेको थियो ।

 परियारको शरिर खानतलासी गर्दा बोकेको चामलको बोरा भित्र कालो रंगको पलाष्टिकमा पोको पारी लुकाई छिपाई राखेको अवस्थामा २ यमयलको डाईजेपाम बुप्रिनुफिन र फेनारगन १३/१३ एम्पुल गरी जम्मा ३९ एम्पुल लागु औषध बरामद गरी तिनै जनालाई जिल्ला अदालतबाट म्हाद थपगरी थप अनुसन्धान भईरहेको जिल्ला प्रहरी कार्यालय नवलपरासीले जनाएको छ।