यातायात अवरुद्धले हेलिकप्टरबाट विरामी अस्पताल लैजान बाध्य

केदार शर्मा, पर्वत असोज ६।
पर्वत जिल्लाको सदरमुकाम कुश्माबाट पाङग्राङ, कर्नास, बाच्छा, रानिपानी हुदै सेतिबेणी चल्ने सडक अबरुद भएपछि बिरामिलाई हेलिकप्टर चाटर गरेर काठमाण्डौ लगिएको छ ।

पहिरोले बाटो अबरुद्ध भएपछि छिमेकि जिल्ला बागलुङ छिस्ती ३ रिठावटका टिकानिधी पाध्यालाई बुधबार दिउसो १ः३० बजे श्री एरलाईनसको बिमानले पर्बतको कर्नासबाट काठमाण्डौको ग्राण्डी अस्पतालमा लग्नु परेको स्थानिय राधा कृष्ण पाठकले जानकारी दिए ।

पाध्यालाई मंगलबार देखि स्वास प्रस्वासमा समस्या आएको साथै शरिरमा एक्कासि गभ्रि खालको रोग देखापरेपछि पर्वतको कर्नासमा हेलिकप्टर चाटर गरि काठमाण्डौ लगिएको पाध्याका छोरा कौरब पौड्यालले जानकारि दिए । बागलुङ जिल्लनाको दक्षिण भेगका गाबिस जैदि र छिस्तीका मानिसहरु बाच्छा कर्नास पाङराङ हुदैँ पर्वत सदरमुकाम कुश्माबाट देशका बिभिन्न ठाँउमा जाने गरेका छन ।

गत असार र साउनको वर्षातले अबरुद्ध भएका पर्वतका आधा दर्जन भन्दा बढि सडकहरु अहिलेसम्म सुचारु नहुँदा आवतजावतमा समस्या परेको छ । सडक अवरुद्ध हुदाँ जिल्लाको श्रिकाङ, पाङराङ, कर्नास तथा बाच्छाममा अहिले दैनिक उपभोग्य सामानको मूल्य बृदि भएको स्थानियको गुनासो छ ।