- शुक्रबार, असोज ९ २०८३
साझा नेटवर्क
गजल – सृष्टि सावित्रा
जीवनमा यस्तो तारिफ योग्य,काम गर्न पाइयोस् ।
हत्या हिंसा बलात्कार, रोकथाम गर्न पाइयोस् ।
मालिक धनीपुर्जा फिर्ता दिनुस् बा,को पसिना हो ।
कमसेकम गरीबले पसिनाको दाम गर्न पाइयोस् ।
आफ्नै मान्छे रहेछन् मेरो ,प्रगतिमा जल्ने पनि ।
म चाहन्छु जल्नेलाई उल्टै इनाम गर्न पाइयोस् ।
यसकारण म फरक देखिन्छु यो, दुनियाँ भन्दा ।
सोच्छु दुश्मनको प्रगतिमा,धुमधाम गर्न पाइयोस् ।
ए! मलामीहरु हो,मलाई आराम कहिल्यै मिलेन ।
घाटमा पुर्याएपछि एकछिन,आराम गर्न पाइयोस् ।
© 2026 All Right Reserved to Sajhanetwork.com | Site By : SobizTrend
