पश्चिम नवलपरासीमा ८२ जना कोरोना संक्रमित निको भए

उर्मिला यादव यात्री, नवलपरासी जेठ १७।
पश्चिम नवलपरासीमा सोमबार ८२ जना कोरोना संक्रमित निको भएका छन । यो संगै जिल्लामा कोरोना संक्रमणबाट निको हुनेको संख्या दुई हजार सात सय ३४ पुगेको छ । यस्तै गरी जिल्लामा आज ५० जनामा कोरोना संक्रमण पुष्टि भएको छ ।

पीसीआर परीक्षणबाट ४८ र एन्टिजेनबाट २ मा परीक्षण गर्दा ५० जनामा कोरोना संक्रमण पुष्टि भएको हो । यो संगै जिल्लामा कुल संक्रमितको संख्या चार हजार, एक सय २२ पुगेको छ ।

सोमबार सबै भन्दा बढी रामग्राम नगरपालिकामा १० जना महिला र १९ जना पुरुष गरी २९ जनामा संक्रमण पुष्टि भएको छ । त्यस्तै गरी बर्दघाट नगरपालिकामा ४ जना, सुनवल नगरपालिकामा ८ जना, प्रतापपुर गाउपालिकामा २ जना र पाल्हिनन्दन गाउपालिकामा ७ जनामा संक्रमण पुष्टि भएको छ ।

सरावल गाउपालिकामा र सुस्ता गाउपालिकामा आज कुनै संक्रमित नथपिएको जिल्ला स्वास्थ्य कार्यालय पश्चिम नवलपरासीले जनाएको छ । यस्तै गरी जिल्लामा सक्रिय संक्रमितको संख्या १ हजार २ सय ५६ रहेको छ । सोमबार कोरोना संक्रमणबाट जिल्लामा १ जनाको ज्यान गएको छ । यो संगै जिल्लामा मृत्यु हुनेको संख्या एक सय ३२ पुगेको छ ।