अक्सिजन अभियानमा जुट्न लोक दोहोरी प्रतिष्ठानको आग्रह

हुमाकान्त पोखरेल, गुल्मी जेठ ०३।
गुल्मीमा संचालन भइरहेको अक्सिजन प्लान्ट निर्माण अभियानमा जुट्न गुल्मीको लोक तथा दोहोरी गित प्रतिष्ठान, जिल्ला शाखा गुल्मीले आग्रह गरेको छ ।

सोमबार संस्थाका अध्यक्ष बसन्त खत्री र सचिव भुवन भुसालद्धारा हस्ताक्षरित विज्ञप्तीमा पत्रकार महासंघ, गुल्मीले संचालन गरेको अक्सिजन प्लान्ट निर्माण अभियानमा सघाउन सबैलाई अपिल गरेको छ ।

अक्सिजनकै अभावका कारण कसैले पनि ज्यान गुमाउन नपरोस् भन्ने उदेश्यले संचालन गरिएको उक्त अभियानलाई सघाउनु र अभियान सँगसँगै हातेमालो गर्नु आफुहरुको दायित्व भएको अध्यक्ष खत्रीले बताए ।

उक्त कार्यको लागि संस्थाले केही रकम संकलन गरिसकेको र जिल्ला भित्र र बाहिर रहने कलाकारहरुलाई प्लान्ट निर्माणको लागि आर्थिक रकम लोक तथा दोहोरी गित प्रतिष्ठानमार्फत संकलन गर्न आग्रह गरेको छ ।