गौमुखी गाउँपालिकाको आयोजनामा वक्तृत्वकला प्रतियोगिता सम्पन्न

जोगिन्द्र मल्ल,प्यूठान भदौ २९ ।

गौमुखी गाउँपालिका प्युठानको आयोजनामा “बिपदमा बाल अधिकारको सुनिश्चितता : हामी सबैको प्रतिबद्धता “भन्ने मुल नाराका साथ ३१ औं राष्ट्रिय बाल दिबसको अबसरमा गौमुखी गाउँपालिका आधारभूत तह कक्षा( ६-८ ) स्तरीय “कोभीड १९ को कारण बिधालय क्षेत्रमा परेको प्रभाव” विषयक वक्तृत्वकला प्रतियोगिता सम्पन्न भएको छ ।गौमुखी गाउँपालिकाका अध्यक्ष बिष्णु कुमार गिरीको अध्यक्षतामा भएको कार्यक्रमको स्वागत मन्तव्य महिला तथा बालबालिका शाखाका लक्ष्मी न्यौपानेले राख्नु भएको थियो । सो कार्यक्रममा १२ बिधालयका छात्र/छात्राहरुको सहभागी रहेको थियो।जस्मा प्रथम खरा मा बि रजवाराका बिपना सेन,दोस्रो अमृत मा बि नारिकोटका रन्जिता पुरि ,तेस्रो गौमुखी बाल सन्जाल ठुलाबेशीका यटलस न्यौपाने र सान्त्वना अर्खा मा बि अर्खाका विवेक बुढा रहेका छन । प्रमाणपत्र पुरुस्कार बितरण गर्दै प्रमुख प्रशासकिय अधिकृत राजिव पन्थीले प्रतियोगितामा भाग लिइ आफ्नो पस्तुती देखाएकोमा सबैलाई धन्यवाद दिनु भयो ।भने कार्यक्रमको समापन गर्दै अध्यक्ष गिरीले कोभीड १९ को संक्रमणले विद्यार्थीको भबिस्यमा प्रत्यक्ष असर पुगेको र यस वक्तृत्वकला प्रतियोगिता बाट बालबालिकाको ब्यक्तित्व बिकास ,शैक्षिक सिकाइ, क्षमता बिकास ,बोल्ने बानिको बिकास हुने र शैक्षिक क्षेत्रमा बालबालिकाको हक हित र अधिकारको लागि सहयोग गर्न गाउँपालिकाले कुनै पनि कसुर बाँकि नराख्ने बताउनु भयो । भने कार्यक्रमको संचालन शिक्षा शाखा प्रमुख ओमहरि पोखरेलले गर्नु भएको थियो ।