पोखरादेखी काठमाण्डौ जाँदै गरेको माइक्रोबस तनहुँको गल्छिनामा दुर्घटना

करिम बक्स मियाँ, तनहुँ भदौ १६।
पोखरादेखी काठमाण्डौ जाँदै गरेको माइक्रोबसको दुर्घटना भएको छ। ग१ज २९७० नम्बरको यात्रुवाहक माइक्रोबस तनहुँ जिल्लाको पृथ्वी राजमार्ग खण्ड अन्तर्गत शुक्लागण्डकी नगरपालिका ५ गल्छिनामा दुर्घटनाग्रस्त भएको हो।

दुर्घटनामा परी सवारी चालक गम्भीर घाईते भएका छन्। चालकलाई उपचारार्थ पोखरा लगिएको छ। यात्रुहरु भने सामान्य घाईते भएका छन्। एकजना यात्रुलाई उपचारको लागि शुक्लागण्डकी ५ स्थित जिपी कोईराला राष्ट्रिय श्वास प्रश्वास उपचार केन्द्र( सेती गंगा) अस्पतालमा लगिएको छ।

सडकको अवस्था जिर्ण रहेको तथा हिंजो रातीदेखी परेको अविरल वर्षाका कारण सडक चिप्लो भएको र चालकले द्रुत गतिमा सवारी हाँकेका कारण दुर्घटना भएको प्रत्येक्षदर्शीहरुले बताए।