पोखरामा मादी नदीको कटानका कारण एक घर बगायो

कविता घर्ति मगर, पोखरा साउन १।
लगातार बर्षाका कारण विभिन्न स्थानमा बाढी पहिरो गएर धनजनको क्षति हुनुका साथै मानव बस्तीमा उच्च जोखिम पनि उत्तिकै बढेको छ त्यस्तै कास्कीको उत्तरपूर्वी गाउ पार्चेको सोधा गाउमामा मादी नदीको कटानका कारण एक घर बगाएको छ ।

बिहीबार साँझ अविरल वर्षा संगै आएको वाढीका कारण स्थानिय कमल गुरुङको घर बगाएको छभने अन्य ७ घर बिस्थापित भएका छन । वर्षा संगै वढेको मादी नदीको कटानका कारण स्थानिय कमल गुरुङको घर बगाएको भएतापनि मानविय क्षती भने नभएको पार्चे सोडा गाउका स्थानिय योन्जन गुरुङले जानकारी दिए ।

गुरुङका अनुसार वर्षाका कारण मादी वढेपछि स्थानिय गोमा गुरुङ, जीत कुमार गुरुङ, पुष्पा गुरुङ, गौमाया क्षत्री, अशोक भुजेल, बालसिंङ भुजेल र आशमाया गुरुङको परिवार विस्थापित भएका छन । विस्थापित हरु यतिवेला दुधपोखरी उच्च माविमा आश्रय लिएर बसेको पिडित मध्येका एक योन्जन गुरुङले वताए ।