गुल्मीमा मानव अधिकार बर्ष पुस्तकको पुर्व समीक्षा सम्पन्न

टोपलाल अर्याल, गुल्मी मंसिर ३।
नेपाल मानव अधिकार वर्षपुस्तक (२०१९) का लागि सङ्कलन गरिएका घटनाको बार्षिक पूर्व समीक्षा कार्यक्रम सदरमुकाम तम्घासमा सम्पन्न भएको छ ।समिक्षामा इन्सेक गुल्मी जिल्ला प्रतिनिधि टोपलाल अर्यालले जिल्लामा बर्षभरि संकलन भएका मानव अधिकार बर्ष पुस्तकका घटनाहरुको जानकारी गराए । कार्यक्रममा प्रमुख जिल्ला अधिकारी यदुनाथ पौडेलले मानव अधिकार सरकार र समुदायको साखको बिषय भएकाले यसको संरक्षणका लागि सवै पक्षको उत्तिकै महत्वपूर्ण भुमिका हुने बताए । साथै उनले इन्सेकले स्थानीय सरकारको कार्ययोजनामा मानव अधिकारको बिषयलाई कसरी संबोधन गर्ने भन्ने बिषयमा पहरेदारी सृजना गर्नुपर्नेमा जोड दिए।रेसुंगा नगरपालिकाका उपप्रमुख सिता भण्डारीले सत्य तथ्य घटनाको बिश्लेषण गर्दै स्थानीय सरकार र जनप्रनिधीलाई सजक बनाउने बाटोमा इन्सेक बर्ष पुस्तकले सहयोगी भुमिका निर्वाह गर्नुपर्नेमा जोड दिए । जिल्ला सरकारी वकिलको कार्यालयका जिल्ला न्यायधिवक्ता लक्ष्मण घिमिरे, जिल्ला अदालतका श्रेष्तेदार दुर्गा प्रसाद बस्यालले अपराध र मानव अधिकारको बिषय फरक भएकाले इन्सेकले एउटै सोलीडोलीमा राख्न नहुने बताए । साथै बर्ष पुस्तक बर्षौ पुरानो मार्गमा भएकाले अव विकासको अधिकारको स्थितीलाई लिएर अगाडी बढ्नुपर्ने सुझाव दिए ।
नागरिक समाजको अध्यक्ष पदम प्रसाद पाण्डेय, निमित्त प्रहरी प्रमुख प्रहरी निरिक्षक रविन्द्र खडका, पुर्व इन्सेक प्रतिनिधी नरेश भण्डारीले इन्सेकले बर्ष पुस्तकमा समेटने घटना संकलनको दायरा फराकिलो बनाउनुपर्नेमा जोड दिए । साथै जिल्लामा सम्बन्ध बिच्छेद र आत्मा जस्ता गम्भिर सामाजिक बिषयहरु भएकाले इन्सेकले कुनै न कुनै कार्यक्रम मार्फत त्यस्ता बिषयलाई समेट्न आग्रह गरे । साथै उनीहरुले समाजमा आर्थिक समाजिक अधिकार हननका थुप्रै घटनाहरु भएकाले त्यस्ता बिषयलाई उजागर गर्दै राज्यलाई गम्भिर बनाउन इन्सेकले नयाँ व्यावस्थापन र स्रोत शक्तिीको व्यावस्था गर्नुपर्नेमा जोड दिए ।

जिल्ला कारागार प्रमुख उद्धव पन्थीले जिल्ला कारागारमा भएका समस्याको बारेमा जानकारी गराएका थिए । कार्यक्रममा एक बर्षको अवधिमा संकलन गरिएका १२ बलात्कार तथा बलात्कार प्रयास, दुई हत्या, दुई बालक कुटपीट, ४० घरेलु हिंसाका घटनाहरू सङ्कलन गरिएको प्रतिवेदन प्रस्तुत गरिएको थियो ।